Hvað unnu þau sér til sakar?

Pia Oberoi er sérfræðingur hjá Mannréttindastofnun Sameinuðu þjóðanna þegar kemur ...
Pia Oberoi er sérfræðingur hjá Mannréttindastofnun Sameinuðu þjóðanna þegar kemur að mannréttindum innflytjenda og flóttafólks. Hún er með doktorspróf í lögfræði frá Oxford-háskóla. mbl.is/Kristinn Magnússon

Börn á flótta eru lokuð inni í miðstöðvum flóttafólks án þess að hafa unnið sér neitt til sakar. Stundum eru þau innilokuð svo mánuðum skiptir og það er alls óvíst hvort þau komast nokkurn tíma í öruggt skjól. Hvernig útskýrir þú fyrir barni hvers vegna það er sett í fangelsi án þess að hafa brotið af sér? spyr Pia Oberoi, mannréttindalögfræðingur og sérfræðingur hjá Mannréttindastofnun Sameinuðu þjóðanna. Hún var einn ræðumanna á friðarráðstefnu Alþjóðamálastofnunar og Höfða sem haldin var í gær.

Oberoi rifjaði í erindi sínu upp samtal sem hún átti við14 ára gamlan strák í Grikklandi. Honum var ómögulegt að skilja hvað hann hafði gert til þess að vera lokaður inni. Hann hafði flúið óbærilegar aðstæður í heimalandinu þar sem ekkert beið hans nema dauðinn. Eða ungir karlar eða unglingspiltar frá Afganistan sem hafast við á götum úti í norðurhluta Frakklands og eiga þann draum að komast yfir Ermarsundið, til Bretlands. 

Eliza Reid forsetafrú flutti erindi á friðarráðstefnunni og ræddi hún ...
Eliza Reid forsetafrú flutti erindi á friðarráðstefnunni og ræddi hún um ferð sína í flóttamannabúðir í Jórdaníu fyrir ári á vegum UNWomen. mbl.is/Kristinn Magnússon

Mörg þessara ungmenna enda í skuggahagkerfinu og verða jafnvel fórnarlömb mansals þar sem þau eiga engra annarra úrkosta völ til þess að verða sér úti um mat og svefnstað. 

Í samtali við mbl.is bendir hún á að mörg þessara ungmenna hafi gengið í gegnum skelfilega hluti áður en þau komast til Evrópu svo dæmi séu tekin. Til að mynda þau sem eru að koma sjóleiðina frá Afríku, hafa kannski hafst við í töluverðan tíma í Líbýu, lent skipsskaða á Miðjarðarhafi og flest hafa þau misst einhverja nákomna, hvort sem það er áður en þau flýja eða á flóttanum. 

María Mjöll Jónsdóttir, deildarstjóri upplýsinga- og greiningarmála á skrifstofu utanríkisráðherra, ...
María Mjöll Jónsdóttir, deildarstjóri upplýsinga- og greiningarmála á skrifstofu utanríkisráðherra, stýrði umræðum á ráðstefnunni þar sem gestum var gefinn kostur á að spyrja Piu Oberoi og JJ Bola. mbl.is/Kristinn Magnússon

Enda oft í skuggahagkerfinu

Í stað þess að veita þeim þann stuðning sem þau þurfa á að halda er þeim komið fyrir í móttökumiðstöðvum á meðan verið er að fara yfir mál þeirra. Þau sem eru að nálgast átján ára aldur fá skjól en þegar þau verða átján þá eiga þau á hættu að vera send til heimalandsins að nýju. Og hvað bíður þeirra þar? Því enda mörg þeirra í skuggahagkerfi Evrópu, sem sölumenn á stolnum varningi á götum stórborganna. 

Ungmenni eru ekki reiðubúið í aðstæður sem þessar. Ekki síst ungmenni sem er með skelfilega lífsreynslu að baki, segir Oberoi og segir ekki skipta máli hvoru megin við 18 ára afmælisdaginn þau eru.

Þau hafa orðið viðskila frá foreldrum eru jafnvel fórnarlömb misnotkunar og þau eiga rétt á einhverju betra en að vera lokuð inni fyrir það eitt að hafa komið til landsins án fullgildra skjala. 

JJ Bola er ljóðskáld og rithöfundur. Hann er fæddur í ...
JJ Bola er ljóðskáld og rithöfundur. Hann er fæddur í Austur-Kongó en flúði til Bretlands ásamt fjölskyldu sinni er hann var sjö ára gamall. mbl.is/Kristinn Magnússon

Hún segir að staða flóttafólks sem ekki fellur undir skilgreiningu á flóttamannahugtaki Sameinuðu þjóðanna (refugee), það er ekki á flótta undan stríði eða stjórnmálaskoðana heldur örbrigð eða ofbeldi sem ekki fellur undir flóttamannaskilgreiningu (economic migrant) sé oft enn verri. Því efnahagslegir flóttamenn fá mjög sjaldan skjól og eru því líklegastir til þess að lenda í skuggakerfi ríkja sem þeir töldu jafnvel fyrirheitna landið. 

Pia Oberoi segir mikilvægt að hlusta á fólk sem er á flótta og virða drauma þeirra og hugmyndir. Því í raun sé svo miklu meira sem sameini fólk heldur en sundrar. Fólk á flótta er ekkert nýtt og það hafi sýnt sig að innflytjendur bæta oft samfélög sem þeir koma til. Koma með sína menningu með sér og auki fjölbreytileika þjóðfélaga.

Eins megi aldrei gleyma því að börn og ungmenni á flótta falla undir ákvæði Barnasáttmála Sameinuðu þjóðanna og það sé alveg jafnalvarlegt brot að brjóta á þeim og börnum sem eru fædd í viðkomandi landi. Grundvallarmannréttindi eigi við um þau líkt og aðra þegna samfélagsins. Ungmenni verða oft fórnarlömb misnotkunar og ofbeldis í yfirfullum miðstöðvum flóttamanna líkt og dæmin sýna. 

Mannúðarsamtökin Læknar án landamæra, Médecins Sans Frontières (MSF), krefjast þess að flóttamannabúðir sem áströlsk stjórnvöld reka á eyjunni Nauru í Kyrrahafi verði rýmdar strax enda sé andlegri líðan fólks hætta búin þar. Fjallað er um málið á vef BBC í dag.

MSF hefur starfað á Nauru undanfarna í 11 mánuði en var nýverið gert að yfirgefa Nauru. Þar höfðu samtökin veitt 78 manns læknisaðstoð en allir skjólstæðingar þeirra höfðu annaðhvort reynt að taka eigið líf eða skaðað sig. Yfirvöld á Nauru og Ástralíu hafa ekki svarað beiðni MSF. 

Flóttamannabúðirnar á Nauru voru settar upp árið 2013 og segja áströlsk yfirvöld að stefna þeirra, um að heimila fólki ekki að koma að landi í Ástralíu, hafi komið í veg fyrir dauðsföll og fælt smyglara frá. 

MSF hafði þann tíma sem samtökin störfuðu á Nauru boðið bæði flóttafólki og íbúum Nauru upp á ókeypis sálræna meðferð en á sunnudag var MSF fyrirskipað að yfirgefa eyjuna.

Yfir 900 flóttamenn, þar á meðal 100 börn, eru á Nauru samkvæmt upplýsingum frá flóttamannaráði Ástralíu. Sjálfsvígstilraunir og sjálfsskaði eru nánast daglegt brauð, ekki síst meðal barna allt niður í níu ára. 

Dr Beth O'Connor geðlæknir er meðal þeirra sem hafa starfað á Nauru og hún segir að þar hafi hún annast börn sem glíma við alvarlega áfallastreituröskun. „Þegar ég heimsótti þessi börn þá voru þau rúmliggjandi á heimilum sínum. Þau voru hætt að borða og drekka þannig að þau voru í lífshættu. Mörg þeirra voru ófær um að komast sjálf á klósett,“ segir O'Connor í samtali við BBC.

mbl.is

Innlent »

Töluvert tjón í verslun Húsasmiðjunnar

21:35 Við slökkvistarf í eldsvoðanum í Dalshrauni í dag lak mikið vatn niður í verslun Húsasmiðjunnar, sem er á neðri hæð hússins sem brann. Óvíst er um hvort hægt verði að opna verslunina á þriðjudaginn. Meira »

Stefnir í hlýtt en vætusamt sumar

21:13 Einar Sveinbjörnsson veðurfræðingur, sem heldur úti veðurvefnum blika.is, rýndi sér til gamans í þriggja mánaða veðurspá Evrópsku reiknimiðstöðvarinnar. Gögnin gefa ágæta innsýn í hvernig sumarið gæti litið út hérlendis. Einar segir að líkur séu á því að meðalhiti hafni í efsta þriðjungi miðað við síðustu 30 árin á undan. Meira »

Sýnin breytti lífi mínu

20:30 Hrafnhildur Sigurðardóttir, stofnandi og annar eigandi Hugarfrelsis, hefur orðið fyrir andlegum upplifunum sem hafa breytt viðhorfum hennar til lífsins. Þessi fimm barna móðir úr Garðabænum segir tilgang lífsins vera að hjálpa öðrum, þroska sálina og breiða út ljósið og kærleikann. Meira »

Enginn liggur undir grun vegna bruna

20:25 Eldsupptökin í brunanum í fjölbýli í Dalshrauni í dag virðast hafa verið í herbergi erlends pars á þrítugsaldri. Enginn liggur undir gruni og enginn er í haldi lögreglu. Meira »

Brosir og hlær sig í gegnum allt

20:19 Hún segir það vanvirðing við lífið að láta sér leiðast. Þuríður Sigurðardóttir var aðeins 16 ára og feimin þegar hún söng fyrst opinberlega, en tilviljanir réðu því að söngurinn varð aðalstarf hennar í áratugi. Meira »

Vann tvær milljónir

19:39 Fyrsti vinningur gekk ekki út í lottoútdrætti kvöldsins og því verður potturinn tvöfaldur næst. Tveir skipta með sér bónusvinningnum og hljóta rúmlega 160 þúsund krónur í vinning. Meira »

Slökkviliðið að ljúka störfum

19:20 Slökkviliðið er nú að ljúka störfum á vettvangi eldsvoðans í Dalshrauni í Hafnarfirði sem varð fyrr í dag. Fjórum var þar bjargað af þaki logandi húss. Meira »

Láðist að kynna sér reglur um fiskveiðar

18:39 Um kl. 23 í gærkvöldi urðu varðstjórar í stjórnstöð Landhelgisgæslunnar þess varir að norska línuskipið Fiskenes var búið að leggja línu inn fyrir mörk hryggningastoppsvæðisins sem er í gildi um þessar mundir samkvæmt reglugerð Samkvæmt henni eru allar veiðar bannaðar frá 12. apríl til og með 21. apríl. Meira »

Bjóða heimilislausum í páskamat

18:20 „Sonur minn, sem bjó á götunni, lést 15. október síðastliðinn. Ég hafði hitt hann tíu dögum áður og þá töluðum við að ég ætlaði að fara að snúa mér að því að vinna fyrir fólkið á götunni og nú er ég að því,“ segir Guðrún Hauksdóttir Schram, móðir Þorbjörns Hauks Liljarssonar. Meira »

Spá versnandi færð fyrir austan

18:03 Það gengur í norðanátt með talsverðri rigningu á Austfjörðum annað kvöld, en snjóar á fjallvegum og því versnandi færð þar, að því er fram kemur á vef Veðurstofu Íslands. Meira »

Búið að slökkva eldinn

17:50 Tekist hefur að ráða niðurlögum eldsins í Dalshrauni, sem kviknaði í íbúðarhúsnæði á efri hæð fyrr í dag. Fjórum var komið til bjargar á staðnum. Meira »

Eldsvoði í Dalshrauni

16:10 Allt tiltækt slökkvilið hefur verið kallað út vegna elds sem logar í íbúð í Dalshrauni í Hafnarfirði. Að sögn varðstjóra hjá Slökkviliði höfuðborgarsvæðsins var töluverður eldur þegar slökkviliðsmenn komu á staðinn. Meira »

Klofningur innan SA „fjarstæðukenndur“

15:16 „Þetta er algerlega fjarstæðukennd túlkun. Björn er grandvar maður og ef rétt er haft eftir honum þá þykja mér þessi ummæli einkennileg,“ segir Halldór Benjamín Þorbergsson, framkvæmdastjóri Samtaka atvinnulífsins, um ummæli Björns Snæbjörnssonar, formanns Starfsgreinasambandsins. Meira »

Gæðabakstur hækkar verð um 6,2%

15:04 Verð á öllum vörum Gæðabaksturs, Ömmubaksturs og Kristjánsbakarís hækka um 6,2% frá og með 1. maí. Í tilkynningu frá framleiðendunum kemur fram að hækkunin sé meðal annars til komin vegna verðhækkunar á hráefnum, svo sem um 30% á hveiti vegna uppskerubrests. Meira »

Stjórnsýslan þurfi að vera fljótari

13:15 Skilvirkara ferli þarf fyrir leyfisveitingar til fiskeldis á Íslandi. Þetta segir Gunnar Davíðsson, sjávarútvegsfræðingur og deildarstjóri atvinnuþróunardeildar Troms-fylkis í Noregi. Löngu ferli fylgi mikill kostnaður, fyrir fyrirtæki en einnig fyrir stjórnsýsluna. Meira »

Framsetning verðhækkana „ósmekkleg“

13:15 „Mér finnst ósmekklegt að setja þetta fram með þessum hætti. Þegar ríki og sveitarfélög setja inn í samninga að þau ætli að halda aftur af sér í verðhækkunum er skrýtið að fyrirtæki á almenna markaðnum ætli að vaða á undan,“ segir Björn Snæbjörnsson, formaður Starfsgreinasambandsins. Meira »

Segja heimildir og fordæmi til staðar

12:31 Isavia telur sig hafa fullnægjandi lagaheimildir til kyrrsetningar á flugvél Air Lease Corporation vegna skuldar umráðaaðilans WOW air og segir dómafordæmi í málinu. Þetta kemur fram í svari upplýsingafulltrúa Isavia við fyrirspurn mbl.is. Meira »

Opnað að Dettifossi

10:39 Búið er að opna á ný fyrir umferð að Dettifossi, en svæðinu var upphaflega lokað seinniparinn á mánudaginn vegna asahláku.  Meira »

Vorfæri á skíðasvæðum landsins í dag

09:32 Vel viðrar til skíðaiðkunar víða um land á þessum laugardegi fyrir páskadag. Veður og færð eru ágæt víðast hvar, en höfuðborgarbúar sitja þó eftir þar sem skíðasvæðunum í Bláfjöllum og Skálafelli hefur verið lokað þennan veturinn. Meira »
Volvo V-70 Tilboðsverð
Volvo V-70 station til sölu Árg.2013 Ekinn 113 þús Beinskiptur Skoðaður Brúnn ...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
Málun bílastæða
Vertíðin hafin leitið tilboða: S: 551 4000 - verktak@verktak.is eða á http...
Klettar - Heilsárshús - 80fm + 49fm svefnloft
Splunkunýtt! Klettar - Heilsárshús Klettar er heilsárshús sem flestir ættu að...