Crossfit-keppandinn Annie Mist Þórisdóttir fór í eins konar hjartaþræðingu á mánudag vegna hjartsláttartruflana sem hún hefur þurft að glíma við síðustu sex ár.

Annie Mist hefur stundað og keppt í crossfit í tíu ár og tvisvar sinnum hlotið titilinn hraustasta kona í heimi. Á heimsleikunum í crossfit í sumar fann hún fyrir hjartsláttartruflunum í fyrsta skipti í keppni og ákvað hún í kjölfarið að leita aðstoðar læknis.

Frétt af mbl.is

Annie Mist fékk hjartsláttartruflanir

Á mánudag gekkst hún undir eins konar hjartaþræðingu þar sem upptök hjartsláttartruflananna voru greind. „Þarna lá ég með fullri meðvitund með þrjá víra inn í hjartanu sem pumpuðu adrenalíni, stresshormónum og rafskautum til að fá hjartað til að slá eins hratt og mögulegt er. Það var mjög skrýtin tilfinning og í hreinskilni sagt fyndið að líða eins og ég væri á erfiðri æfingu liggjandi á spítala,“ skrifar Annie Mist í færslu á Instagram-síðu sinni.

Rót vandans fannst en Annie Mist segir að hún sé á stað sem hún treystir sér ekki til að taka áhættu á að laga að þessu sinni. „Allt gekk vel og við komumst að því að ég er með mjög sterkt hjarta,“ skrifar Annie Mist.

Hún horfir björtum augum til framtíðar og segir að hjartsláttartruflanirnar muni ekki hægja á henni. Hún þarf hins vegar að hinkra í fimm daga í viðbót áður en hún getur hafið æfingar að nýju.

Tengdar fréttir

Crossfit

Katrín Tanja brast í grát (myndskeið)

• Katrín Tanja á heimsleikana
• Breki keppir á heimsleikunum
• Sólveig og Halldór eru nýtt par
• Klaufaleg mistök í Madríd

» Fleiri tengdar fréttir

• Blogga um frétt