Gæti leikið golfiðkendur grátt

Síðasta haust var sérstaklega gott, veðurfarslega séð, sumir léku fram ...
Síðasta haust var sérstaklega gott, veðurfarslega séð, sumir léku fram í nóvember. Verði klukkunni seinkað gæti það haft áhrif á golftímabilið. mbl.is/Hari

Breytingar á staðartíma á Íslandi, nánar tiltekið seinkun klukkunnar, sem nú er til umræðu í samráðsgátt stjórnvalda, gæti orðið til þess að sá tími sem unnt er að leika átján holur að loknum fullum vinnudegi styttist um tvær til þrjár vikur. Þetta segir Björn Víglundsson, formaður Golfklúbbs Reykjavíkur. Í þessu samhengi séu síðsumarkvöldin sérstaklega undir.

Í skýrslu sem unnin var fyrir forsætisráðuneytið um möguleika á breytingu á staðartíma á Íslandi eru settir fram þrír valkostir:

  1. Óbreytt staða, klukkan yrði áfram einni klukkustund fljótari en ef miðað væri við hnattstöðu, en með fræðslu yrði fólk hvatt til að ganga fyrr til náða.
  2. Klukkunni yrði seinkað um eina klukkustund frá því sem nú er, í samræmi við hnattstöðu landsins. (Dæmi: kl. 11.00 nú, yrði kl. 10.00 eftir breytingu).
  3. Klukkan yrði áfram óbreytt en skólar og jafnvel fyrirtæki og stofnanir hæfu starfsemi seinna á morgnana.

Björn segir að golftímabilið geti verið jafn mismunandi og íslenska veðurfarið, en allajafna standi golfvertíðin yfir frá því í byrjun maí og fram í lok ágúst eða miðjan september.

„Þá fer að hægjast um, en við spilum alveg þar til það byrjar að frysta,“ segir Björn og eru þá helgarnar mest nýttar. Hann segir að hópar á borð við eldri borgara sem hafi rýmri tíma spili þó jafnvel allt árið um kring.

„Þunginn í íþróttinni er samt frá maí og fram í september. Síðasta haust var sérstaklega gott og vertíðin stóð nokkurn veginn út október. Þá var tímabilið óvenjulangt,“ segir hann.

Síðsumarkvöldin styttist og kaldara verði í veðri

Björn segir að með því að seinka klukkunni yrði útivistarstundum á sumrin fækkað og erfiðara verði fyrir golfiðkendur að leika golf á síðsumarskvöldum.

„Ég held reyndar að allir þeir sem stundi útivist á sumrin, hvort sem það er að grilla, golfa eða fara í fjallgöngur, hafi þá skoðun að með þessari tillögu sé verið að stytta útivistarstundirnar. Sumarkvöldin verða styttri og þá kannski einna helst ágústkvöldin sem hafa verið drjúg til alls konar útivistar. Þetta myndi hafa skörp áhrif á þau,“ segir hann.

Björn bendir á að í fyrsta lagi sé hlýrra útivið þegar sól sé á lofti. „Þótt það geti vel verið að við náum að klára átján holur eftir vinnu, þá er sólin alla vega hærra á lofti þegar haldið er af stað við núgildandi fyrirkomulag,“ segir hann.

„Í öðru lagi fer þetta að verða dálítið kapphlaup þegar líður á sumarið. Um miðjan ágúst fer að verða erfitt að spila átján holur eftir fullan vinnudag. Það er ljóst að ef þessu verður breytt um klukkutíma, þá færist kapphlaupið til. Mér telst til að þetta séu u.þ.b. hálfur mánuður til þrjár vikur sem þetta munar,“ segir hann. Með öðrum orðum styttist það tímabil sem hægt er að leika átján holur eftir vinnu. Björn bendir á að á þeim árstíma sem um ræðir styttist dagurinn um u.þ.b. hálftíma á hverri viku.

Þurfi að leika færri holur eða hefja leik fyrr

Spurður hvaða afleiðingar þetta myndi hafa fyrir golfiðkendur svarar hann því til að í raun séu tveir kostir í stöðunni.

„Menn þurfa annað tveggja að sætta sig við færri holur eða hefja leik fyrr með einhverjum hætti,“ segir hann. Spurður hvort þetta valdi því að golfiðkendur freistist til þess að fara fyrr úr vinnu til að ná golfhringnum segir hann að það sé einn möguleikinn.

„Það hafa auðvitað ekki allir tök á því samt. Ég held að mesta hættan sé að færri hringir verði einfaldlega spilaðir. Þetta er auðvitað líkamsrækt mjög margra. Ég er ekki læknismenntaður maður og ætla ekki að leggja mat á það hvaða áhrif þetta hefur á heilsu fólks, en þetta er í það minnsta heilsurækt mjög margra,“ segir hann.

Golfhreyfingin ekki ein um afstöðu sína

Golfhreyfingin í heild sinni hefur vakið athygli stjórnvalda á afstöðu sinni til breytinga á staðartíma á Íslandi. Björn segir að í athugasemdunum komi fram áþekk sjónarmið og í ábendingum annarra samtaka og hagsmunaaðila sem hafi útivist að leiðarljósi. Golfhreyfingin stendur því ekki ein.

„Og því fer fjarri. Grunnforsendan í tillögunum eru almannaheillasjónarmið. Ég held að í þessu séu ekki minni almannaheillasjónarmið, þ.e. að fólk geti stundað fulla vinnu og sinnt heilsurækt og útivist eftir vinnu. Það er mikilvægt að sinna hreyfingunni, þessi málstaður hefur að minnsta kosti jafn mikinn sess og blessaður svefninn,“ segir hann.

Veðurfarið getur haft áhrif á golftímabilinu, en breyting á staðartíma ...
Veðurfarið getur haft áhrif á golftímabilinu, en breyting á staðartíma á Íslandi gæti haft áhrif að sögn Björns Víglundssonar, formanns Golfklúbbs Reykjavíkur. mbl.is/Eggert

Björn nefnir að í sumum löndum hafi lengi verið við lýði sumar- og vetrartími. Hann segir að sú skipan mála gæti verið til þess að sætta öll sjónarmið hvað breytingar á klukku hér á landi varðar.

„Það tæki tillit til allra sjónarmiða. Það eru aðallega þessir haust- og vetrarmánuðir sem rætt er um í ljósi þess hve miklu minni birtan er þá. Margar aðrar þjóðir hafa leyst þetta svona og þetta gæti verið til þess fallið að sætta öll sjónarmið,“ segir hann.

mbl.is

Innlent »

Sumardagurinn fyrsti sá besti

07:01 Allt bendir til þess að sumardagurinn fyrsti verði besti dagur vikunnar þegar kemur að veðri en þá er útlit fyrir fínasta hátíðarveður í flestum landshlutum, sólríkt og fremur hlýtt í veðri. Spáð er allt að 16 stiga hita á Vesturlandi á sumardaginn fyrsta. Meira »

Ofurölvi við verslun

06:53 Tilkynnt var til lögreglunnar á höfuðborgarsvæðinu um ofurölvi mann við verslun í hverfi 111 síðdegis í gær en þegar lögregla kom á vettvang var maðurinn farinn. Flest þeirra mála sem rötuðu í dagbók lögreglunnar tengjast akstri undir áhrifum fíkniefna. Meira »

Safnað fyrir endurgerð Sóleyjar

Í gær, 21:33 Ég kynntist konunni minni í kvikmyndanámi og við elskum bæði sögulegar og dulrænar kvikmyndir. Sóley er þannig mynd.“  Meira »

Baka í fyrsta íslenska viðarhitaða ofninum

Í gær, 21:30 „Þetta er ástríða mín og ég vildi taka þetta alla leið,“ seg­ir Mat­hi­as Ju­lien Spoerry franskur bakari sem opnar ásamt konu sinni Ellu Völu Ármanns­dótt­ur bakaríið Böggvisbrauð í Svarfaðardal. Brauðið er bakað úr nýmöluðu hveiti frá Frakklandi og bakað í viðarhituðum brauðofni þeim fyrsta hér á landi. Meira »

Rannsókn lokið í Dalshrauni

Í gær, 20:56 Tæknideild lögreglunnar á höfuðborgarsvæðinu lauk rannsóknar á vettvangi þar sem elds­voðinn varð í Dals­hrauni í Hafnar­f­irði í gær. Hann hefur nú verið afhentur tryggingafélagi. Meira »

Kólnar smám saman í veðri

Í gær, 20:51 Það gengur í norðan og norðaustan 8-13 m/s með rigningu eða slyddu á austanverðu landinu seint í kvöld og nótt, að því er Veðurstofa Íslands greinir frá. Það mun snjóa á fjallvegum og því má búast við versnandi færð þar. Meira »

Aldrei fóru fleiri vestur

Í gær, 20:20 „Það var ekkert drama, allt gekk upp og meira til, og aðsóknin hefur aldrei verið meiri,“ segir Kristján Freyr Hall­dórs­son, rokk­stjóri tón­list­ar­hátíðar­inn­ar Aldrei fór ég suður. Meira »

Innnes hækkar ekki vöruverð

Í gær, 18:49 Engar verðhækkanir vegna nýrra kjarasamninga eru í farvatninu hjá Innnesi, segir forstjóri fyrirtækisins. Hann segir samningamenn hafa sýnt skynsemi og að hinn nýi kjarasamningur sé góður. Meira »

Fiskeldi svar við risavöxnum áskorunum

Í gær, 18:23 Útflutningsverðmæti fiskeldis á ársgrundvelli hér á landi gæti komið til með að slaga hátt upp í útflutningsverðmæti þorskaflans, þegar okkur tekst að nýta burðarþol fjarðanna samkvæmt fyrirliggjandi burðarþolsmati Hafrannsóknastofnunar. Meira »

Ekki hótun hjá ÍSAM

Í gær, 18:03 „Ég skil vel að þetta hafi vakið eftirtekt, en ég skil ekki að menn skuli líta á þetta sem einhverja hótun eða klofning hjá SA. Þá er búið að snúa hlutunum svolítið á hvolf,“ segir Hermann Stefánsson, forstjóri ÍSAM. Meira »

Humarpizza er ekkert pizza!

Í gær, 17:30 Á Glóð á Egilsstöðum má nú fá eldbakaða pizzu sem að sögn eigandans er nákvæmlega eins og þú myndir fá hana í Róm. Hann flutti inn menntaðan pizzubakara, sem tekur sér 50 klukkustundir í að gera deigið. Meira »

Klifraði ölvaður upp á þak

Í gær, 17:25 Lögreglan á höfuðborgarsvæðinu hefur haft í einu og öðru að snúast á þessum páskadegi. Snemma í morgun barst lögreglu tilkynning frá fjölbýlishúsi í Hlíðunum í Reykjavík um að ölvaður ungur maður hefði farið út á svalir á fjórðu hæð og þaðan upp á þakið. Meira »

Skelfileg sjón blasti við eigandanum

Í gær, 16:55 „Eigandi þessarar bifreiðar lenti í því að hjólbarði sprakk á bifreiðinni í gærkvöldi. Bifreiðin var skilin eftir á Stapavegi rétt hjá Stofnfiski í Vogum á Vatnsleysuströnd. Er eigandinn kom að bifreiðinni í morgun blasti þessi sjón við honum,“ skrifar lögreglan á Suðurnesjum í færslu á Facebook. Meira »

Íslendingar á Sri Lanka óhultir

Í gær, 14:58 Nokkrir Íslendingar sem staddir eru á Sri Lanka hafa sett sig í samband við borgaraþjónustu utanríkisráðuneytisins til þess að láta vita af sér. Ráðuneytið veit ekki betur en að allir Íslendingar sem staddir eru ytra, þar sem yfir 200 eru látnir eftir hryðjuverkaárásir, séu heilir á húfi. Meira »

Slökkvistarfi lokið við Sléttuveg

Í gær, 14:11 Vettvangur eldsins sem braust út í bílakjallara við Sléttuveg 7 á tíunda tímanum í morgun var afhentur lögreglu rétt fyrir hádegi í dag. Meira »

Atli Heimir Sveinsson látinn

Í gær, 14:06 Atli Heimir Sveinsson er látinn, áttræður að aldri. Þetta kemur fram í tilkynningu frá fjölskyldu tónskáldsins.  Meira »

Íslendingar í Sri Lanka láti vita af sér

Í gær, 14:00 Utanríkisráðuneytið hefur óskað eftir því að Íslendingar í Sri Lanka láti aðstandendur vita af sér eftir hryðjuverkaárásirnar í morgun. Þá er þeim sem þurfa á aðstoð að halda bent á að hafa samband við neyðarsíma borgaraþjónustunnar +354-545-0-112. Meira »

„Verðum að breyta um lífsstíl“

Í gær, 12:05 Agnes Sigurðardóttir, biskup Íslands, minntist á eldsvoðann í Notre Dame-kirkjunni í París og þau David Attenborough og Gretu Thunberg í páskapredikun sinn í Dómkirkjunni þar sem vandamál tengd loftslagsmálum voru henni hugleikin. Meira »

Tæknideild rannsakar vettvanginn

Í gær, 11:42 Tæknideild lögreglunnar á höfuðborgarsvæðinu rannsakar í dag vettvanginn þar sem eldsvoðinn varð í Dalshrauni í Hafnarfirði í gær. Meira »
Dunlop Enasave Ec300
4 ný og ónotuð Dunlop Enasave Ec300 sumardekk til sölu. 215/50R17 Verð 40þús ...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
Fágætar vínilplötur í Kolaportinu!!
Mikið úrval af fágætum vínilplötum í Kolaportinu við gluggavegg miðjan sjávarmeg...