Tillögur greiði fyrir kjarasamningum

Forsætisráðherra segir ekki hafa komið til skoðunar að ríkið komi ...
Forsætisráðherra segir ekki hafa komið til skoðunar að ríkið komi að málum Wow air með beinum hætti. Einnig kom fram í máli hennar að óformlegar viðræður eru við aðila vinnumarkaðarins vegna kjaraviðræðna. mbl.is/Eggert

„Við höfum áfram haft í óformlegum samræðum við verkalýðshreyfinguna og atvinnurekendur og viljum, og það auðvitað birtist í fjármálaáætluninni, sem Bjarni kynnti í gær, skýrar fyrirætlanir okkar um aðgerðir sem við hugsum til þess að greiða fyrir kjarasamningum,“ sagði Katrín Jakobsdóttir forsætisráðherra í þættinum Þingvellir á K100 í morgun um stöðuna á vinnumarkaði.

Vísaði forsætisráðherra til tillagna sem þegar hafa verið kynntar, en tók sérstaklega fram lengingu fæðingarorlofs í 12 mánuði, sem hún sagði gríðarlega kjarabót.

Sagði hún það viðvarandi viðfangsefni að vilja annars vegar greiða fyrir kjarasamningum og hins vegar vilja ekki stíga inn í viðræður sem eiga sér stað við samningaborðið.

Ríkið komi ekki að málum Wow

„Það hefur ekki verið okkar niðurstaða innan ríkisstjórnarinnar,“ svaraði forsætisráðherra, spurð hvort komið hafi til greina að ríkið komi að málum Wow air með beinum hætti. „Við lítum ekki á það sem okkar hlutverk að koma með beinan ríkisstuðning.“

Hún sagði vissulega að allt sem ríkið geri á öðrum sviðum geti haft áhrif, en ítrekaði að ríkisstuðningur til þess að leysa mál flugfélagsins hafi ekki komið til skoðunar.

Ákvæði orkupakkans eigi ekki við

Forsætisráðherra sagðist skilja vel áhyggjur þeirra sem gagnrýnt hafa innleiðingu þriðja orkupakka Evrópusambandsins, ekki síst þar sem hennar flokkur hafi á sínum tíma gert athugasemdir við innleiðingu fyrsta og annars orkupakka ESB.

„Það sem var kynnt hér fyrir helgi snýst í raun og veru um það að á meðan Ísland er ekki tengt inn á þetta orkukerfi Evrópu, eigi ekki við ákvæði þriðja orkupakkans,“ að sögn Katrínar sem jafnframt benti á að tenging við orkukerfi Evrópu yrði ekki komið á nema með samþykki Alþingis.

Ríkisstjórnin hefur unnið að því að efla hagsmunagæslu gagnvart EES-samstarfinu til muna, að sögn Katrínar.

Myndun ríkisstjórnarinnar ekki svik

„Ég gat aldrei fallist á það að þetta væru svik að fara í þessa stjórnarmyndun,“ sagði Katrín um þá gagnrýni sem hún hlaut fyrir að ganga til viðræðna við Sjálfstæðisflokkinn og Framsóknarflokkinn um myndun ríkisstjórnar í kjölfar kosninganna 2017.

„Ég sagði það skýrt í aðdraganda kosninga að ég vildi ekki útiloka neinn flokk frá stjórnarsamstarfi. Ég taldi það mjög mikilvægt að fyrst og fremst væru flokkarnir með skýr markmið um það hvað þeir vildu sjá koma út úr viðræðum, en ekki snúast um einhver bandalög eða útiloka einhvern fyrir fram,“ sagði hún.

Bjarni Benediktsson, Katrín Jakobsdóttir og Sigurður Ingi Jóhannsson.
Bjarni Benediktsson, Katrín Jakobsdóttir og Sigurður Ingi Jóhannsson. mbl.is/Eggert

Forsætisráðherra sagði jafnframt að kosningabandalag sem myndað var milli stjórnarandstöðuflokka fyrir kosningarnar 2016 hafi skapað mikla spennu hvað samskipti vörðuðu. „Þannig að ég var mjög eindregin í því að fyrir kosningarnar 2017 yrðum við að horfa öðruvísi á þetta mál.“

Hollt að starfa með andstæðingum

„Við höfum staðið við það sem við sögðum, við sögðumst reiðubúin til þess að vinna með hverjum sem er að tilteknum markmiðum og að mikilvægasta markmiðið væri að ráðast í uppbyggingu samfélagslegra innviða og takast á við áskoranir sem við höfðum ekki verið að takast á við vegna tíðra kosninga,“ sagði Katrín og vísaði sérstaklega til loftslagsmálanna.

Það getur verið hollt fyrir stjórnmálamenn að þurfa að starfa með fólki sem er þeim ósammála, ekki síst á tímum sem vaxandi aðskilnaður er milli fylkinga í stjórnmálum í heiminum, að sögn forsætisráðherra.

mbl.is

Innlent »

Launakerfi breytt í aðdraganda samninga

14:23 Samningar starfsmanna Fiskeldis Austfjarða ehf. voru endurskoðaðir í vikunni sem leið, nokkrum dögum áður en lífskjarasamningar koma til samþykkta. Nokkrir voru óánægðir. Meira »

Sendir íbúum Srí Lanka samúðarkveðju

13:57 Forseti Íslands Guðni Th. Jóhannesson sendi í dag samúðarkveðju til Maithripala Sirisena, forseta Srí Lanka, og annarra íbúa þar vegna hryðjuverkanna sem framin voru þar í landi í gær. Meira »

Ræða við foreldra ungmennanna

13:55 Ráðist var á ungan pilt af erlendum uppruna við verslunarkjarnann í Langarima í Grafarvogi síðdegis í gær. Að sögn aðstoðaryfirlögregluþjóns kannast lögreglan við málið og verður rætt við hlutaðeigandi foreldra og barnaverndaryfirvöld í dag og á morgun vegna þessa. Meira »

Segir íbúum haldið í gíslingu

12:37 Lóðsinn mældi dýpið í Landeyjahöfn síðdegis í gær. Á mælingunni má sjá að talsvert af sandi hefur safnast aftur fyrir á milli hafnargarðanna, sem og innan hafnar. Dýpið er nú minnst um 3,7 metrar en Herjólfur ristir 4,2 metra. Meira »

Húsasmiðjan líklega opnuð á morgun

12:10 Þrif standa yfir í verslun Húsasmiðjunnar í Dalshrauni og þar er búist við að hægt verði að opna í fyrramálið. Alltént verður timbursalan opin. Meira »

Töluvert tjón á bílum og húsnæði

11:14 Töluvert tjón varð á bílum og húsnæði þegar eldur kviknaði í bílakjallara blokkar á Sléttuvegi 7. Ekki liggur fyrir hvernig kviknaði í en upptökin eru talin hafa verið í dekkjum og einhvers konar hrúgu í kringum þau. Meira »

„Mjög hættulegur leikur“ hjá fyrirtækjum

09:56 Drífa Snædal, forseti Alþýðusambands Íslands, segir gríðarlega alvarlegt að fyrirtæki skuli boða verðhækkanir í miðri atkvæðagreiðslu um kjarasamninga. Þá segir hún það „hættulegan leik“, því mörgum sé misboðið. Meira »

Sumardagurinn fyrsti sá besti

07:01 Allt bendir til þess að sumardagurinn fyrsti verði besti dagur vikunnar þegar kemur að veðri en þá er útlit fyrir fínasta hátíðarveður í flestum landshlutum, sólríkt og fremur hlýtt í veðri. Spáð er allt að 16 stiga hita á Vesturlandi á sumardaginn fyrsta. Meira »

Ofurölvi við verslun

06:53 Tilkynnt var til lögreglunnar á höfuðborgarsvæðinu um ofurölvi mann við verslun í hverfi 111 síðdegis í gær en þegar lögregla kom á vettvang var maðurinn farinn. Flest þeirra mála sem rötuðu í dagbók lögreglunnar tengjast akstri undir áhrifum fíkniefna. Meira »

Safnað fyrir endurgerð Sóleyjar

Í gær, 21:33 Ég kynntist konunni minni í kvikmyndanámi og við elskum bæði sögulegar og dulrænar kvikmyndir. Sóley er þannig mynd.“  Meira »

Baka í fyrsta íslenska viðarhitaða brauðofninum

Í gær, 21:30 „Þetta er ástríða mín og ég vildi taka þetta alla leið,“ seg­ir Mat­hi­as Ju­lien Spoerry franskur bakari sem opnar ásamt konu sinni Ellu Völu Ármanns­dótt­ur bakaríið Böggvisbrauð í Svarfaðardal. Brauðið er bakað úr nýmöluðu hveiti frá Frakklandi og bakað í viðarhituðum brauðofni þeim fyrsta hér á landi. Meira »

Rannsókn lokið í Dalshrauni

Í gær, 20:56 Tæknideild lögreglunnar á höfuðborgarsvæðinu lauk rannsóknar á vettvangi þar sem elds­voðinn varð í Dals­hrauni í Hafnar­f­irði í gær. Hann hefur nú verið afhentur tryggingafélagi. Meira »

Kólnar smám saman í veðri

Í gær, 20:51 Það gengur í norðan og norðaustan 8-13 m/s með rigningu eða slyddu á austanverðu landinu seint í kvöld og nótt, að því er Veðurstofa Íslands greinir frá. Það mun snjóa á fjallvegum og því má búast við versnandi færð þar. Meira »

Aldrei fóru fleiri vestur

Í gær, 20:20 „Það var ekkert drama, allt gekk upp og meira til, og aðsóknin hefur aldrei verið meiri,“ segir Kristján Freyr Hall­dórs­son, rokk­stjóri tón­list­ar­hátíðar­inn­ar Aldrei fór ég suður. Meira »

Innnes hækkar ekki vöruverð

Í gær, 18:49 Engar verðhækkanir vegna nýrra kjarasamninga eru í farvatninu hjá Innnesi, segir forstjóri fyrirtækisins. Hann segir samningamenn hafa sýnt skynsemi og að hinn nýi kjarasamningur sé góður. Meira »

Fiskeldi svar við risavöxnum áskorunum

Í gær, 18:23 Útflutningsverðmæti fiskeldis á ársgrundvelli hér á landi gæti komið til með að slaga hátt upp í útflutningsverðmæti þorskaflans, þegar okkur tekst að nýta burðarþol fjarðanna samkvæmt fyrirliggjandi burðarþolsmati Hafrannsóknastofnunar. Meira »

Ekki hótun hjá ÍSAM

Í gær, 18:03 „Ég skil vel að þetta hafi vakið eftirtekt, en ég skil ekki að menn skuli líta á þetta sem einhverja hótun eða klofning hjá SA. Þá er búið að snúa hlutunum svolítið á hvolf,“ segir Hermann Stefánsson, forstjóri ÍSAM. Meira »

Humarpizza er ekkert pizza!

Í gær, 17:30 Á Glóð á Egilsstöðum má nú fá eldbakaða pizzu sem að sögn eigandans er nákvæmlega eins og þú myndir fá hana í Róm. Hann flutti inn menntaðan pizzubakara, sem tekur sér 50 klukkustundir í að gera deigið. Meira »

Klifraði ölvaður upp á þak

Í gær, 17:25 Lögreglan á höfuðborgarsvæðinu hefur haft í einu og öðru að snúast á þessum páskadegi. Snemma í morgun barst lögreglu tilkynning frá fjölbýlishúsi í Hlíðunum í Reykjavík um að ölvaður ungur maður hefði farið út á svalir á fjórðu hæð og þaðan upp á þakið. Meira »
Klettar - Heilsárshús - 80fm + 49fm svefnloft
Splunkunýtt! Klettar - Heilsárshús Klettar er heilsárshús sem flestir ættu að...
Til sölu 16" álfelgur og snjódekk
Felgurnar eru original Mitsubishi 16", gatadeiling 108x5. Dekkin eru Firestone ...
Dunlop Enasave Ec300
4 ný og ónotuð Dunlop Enasave Ec300 sumardekk til sölu. 215/50R17 Verð 40þús ...