Bílar fastir og ekkert ferðaveður
Veðrið er ekkert sérstakt á Suðureyri, frekar en annars staðar á norðanverðum Vestfjörðum. Nokkrir bílar sátu fastir í Súgandafirðinum í morgun en vegurinn er ófær.
Ljósmynd/Ingólfur Þorleifsson
Setja bókamerki
Björgunarsveitir á Vestfjörðum hafa aðstoðað nokkra ökumenn í morgun sem hafa fest bíla sína í óveðrinu sem gengur yfir landið. Samkvæmt lögreglunni á Ísafirði er ekkert ferðaveður á Vestfjörðum þessa stundina.
Björgunarsveitir hafa aðstoðað ökumenn sem hafa fest sig á norðanverðum Vestfjörðum. Varðstjóri í lögreglunni á Ísafirði segir að eins og staðan er núna sé engin hætta á ferðum.
Fólk er hvatt til þess að vera ekki á ferðinni þegar veðrið er svona. Skyggni er víða nánast ekkert og ökumenn hafa farið út af vegna þess, samkvæmt varðstjóra.
Spár gera ráð fyrir því að veður gangi niður á Vestfjörðum síðdegis í dag og þá metur Vegagerðin stöðu vega. Síðan á aftur að bæta í vind og úrkomu í kvöld og nótt.
Vélsleðaslys: Þyrlan kölluð út á mesta forgangi
„Umsátursástand“
Hvorki sést áður hér á landi né annars staðar
Telur forsendur fyrir vaxtalækkun
Tveir í bílnum sem lenti utan vegar
Eyjafjarðarbraut lokað vegna alvarlegs umferðarslyss