Rafmagnslína féll á bíl á Hvolsvelli en engin slys urðu á fólki. Þetta kemur fram á Facebook-síðu almannavarnadeildar ríkislögreglustjóra.
„Rafmagnslaust er víða á landinu og virðist það fylgja veðrinu, aðallega á Suðurlandi og færist vestur um. Línur eru að falla og samsláttur á nokkrum stöðum,“ segir í tilkynningunni.
Víða eru truflanir á farsímakerfinu á Suðurlandi.