Eldur kom upp í bíl við bensínstöð Olís í Álfheimum á sjötta tímanum. Einn var í bílnum þegar eldurinn kom upp og tókst ökumanninum að koma sér sjálfur út úr bílnum.
Bíllinn var staðsettur mitt á milli bensínstöðvarinnar og Glæsibæjar og töluverð hætta skapaðist sökum nálægðar við bensínsstöðina. Að sögn varðstjóra hjá slökkviliðinu á höfuðborgarsvæðinu eru eldsupptök ókunn en reykur kom upp í bílnum til að byrja með en hann var alelda þegar slökkviliðið kom á stðainn.
Vinna á vettvangi tók um klukkutíma. Bíllinn er að öllum líkindum gjörónýtur en eldsupptök eru ekki kunn.
Þetta er annað útkall slökkviliðsins í dag vegna bílbruna en í morgun kom upp eldur í sendibifreið á Miklubraut. Ökumaður bílsins slapp ómeiddur.
Fréttin hefur verið uppfærð.