Hafa flutt tíu manns í sjúkraflugi vegna COVID-19
Sjúkraflugvél Mýflugs á Ísafirði síðdegis í dag.
mbl.is/Ingvar Jakobsson
Setja bókamerki
Flugfélagið Mýflug mun í kvöld fljúga með veikan mann í sjúkraflugi frá Ísafirði til Reykjavíkur.
Í kvöldfréttum Stöðvar tvö var greint frá því að um væri að ræða mann sem væri þungt haldinn af sjúkdómnum COVID-19 en hvorki Leifur Hallgrímsson, framkvæmdastjóri Mýflugs, né Ásgeir Erlendsson, upplýsingafulltrúi Landhelgisgæslunnar, gátu staðfest það.
„Landhelgisgæslan var beðin að vera í viðbragðsstöðu vegna flugsins,“ segir Ásgeir.
Mýflug hefur flogið með tíu einstaklinga sem veikir voru af COVID-19 til Reykjavíkur síðan faraldurinn kom upp hérlendis, að sögn Leifs. Í slíkum flugferðum er gripið til sérstakra varúðarráðstafana en flugmenn flugvélanna koma ekki nálægt þeim veiku. Tvær sjúkraflugvélar eru nú staddar á Ísafirði.
Finnar og Svíar taka ekki á móti særðum frá Gasa
Komu saman á kyrrðar- og bænastund
Grænlendingar vildu ekki fá björninn til baka
Vendingar vestanhafs geti haft áhrif hér heima
Of margir nemendur og ákall um hæft starfsfólk
Mikill útflutningur frá Vestfjörðum
Maðurinn sem leitað var að fannst látinn