Aðeins greindust tvö ný smit kórónuveirunnar á Íslandi síðasta sólarhring, eitt á veirufræðideild Landspítalans og eitt hjá Íslenskri erfðagreiningu. Alls var 381 sýni tekið undanfarinn sólarhring, 96 hjá veirufræðideild og 285 hjá ÍE. Hafa því alls verið tekin 42.762 sýni.
Heildarfjöldi staðfestra smita er nú 1.773, en þar af hafa 1.362 náð bata og níu látist. Eru virk smit því 402. 28 liggja á sjúkrahúsi vegna kórónuveirunnar, þar af fjórir á gjörgæslu.