„Mjög góður dagur“ í Karphúsinu
Aðalsteinn Leifsson ríkissáttasemjari segir virkt samtal vera í gangi og að næsti fundur verði á þriðjudaginn.
mbl.is/Kristinn Magnússon
Setja bókamerki
Fundi samninganefndar Félags íslenskra hjúkrunarfræðinga og samninganefndar ríkisins í húsakynnum ríkissáttasemjara lauk núna um sjöleytið í kvöld. Aðalsteinn Leifsson ríkissáttasemjari segir fundinn hafa gengið vel og dagurinn hafi heilt yfir verið góður.
Fundurinn hófst klukkan 13 í dag og honum átti að ljúka klukkan 15. „Þetta var mjög góður dagur og mjög virkt samtal og við förum núna inn í þessa hvítasunnuhelgi og hittumst aftur á þriðjudaginn,“ sagði Aðalsteinn í samtali við mbl.is.
Næsti fundur í kjaradeilunni hefst klukkan 14 á þriðjudaginn. Báðar samninganefndir hafa ákveðið að tjá sig ekki um gang viðræðnanna við fjölmiðla.
Gígbarmurinn hækkað frá því í gær
Strand skemmtiferðaskips kallar á erlenda aðstoð
Bergnuminn í Hvalfirði
Vonast til að tjaldbúðir við HÍ standi áfram
Nemendur í HÍ reistu tjaldbúðir án leyfis
Skaut sex sinnum að feðginum á aðfangadagskvöld
„Höfum ekki náð að skríða upp úr þeirri gryfju“