Lilja Alfreðs fundaði um stöðuna í skólamálum

Lilja Alfreðsdóttir fundaði með almannavörnum í dag.
Lilja Alfreðsdóttir fundaði með almannavörnum í dag. mbl.is/Kristinn Magnússon

Lilja Alfreðsdóttir, mennta- og menningarmálaráðherra, fundaði í dag með Þórólfi Guðnasyni sóttvarnalækni og Víði Reynissyni yfirlögregluþjóni almannavarna. 

Samkvæmt upplýsingum frá menntamálaráðuneytinu var farið yfir stöðu skólahalds í haust en engar ákvarðanir voru teknar. 

Enn er óljóst með hvaða hætti skólahald hefst á þessu skólaári en ljóst má vera af fréttum undanfarið að kapp verður lagt á að skólar taki til starfa að nýju að loknu sumarleyfi. 

Verzlunarskóli Íslands hefur meðal annars sagt það óskastöðu að framhaldsskólar fái sambærilegar undanþágur frá reglum um fjöldatakmarkanir og grunnskólar. 

mbl.is