Ef vel bókast í nýja tíma á Heilsuveru gæti Heilsugæsla höfuðborgarsvæðisins tekið um 5.000 sýni í dag.

Útlit er fyrir langan vinnudag hjá „góðum hópi fólks“ sem hefur sýnatökur nú klukkan átta í morgunsárið og vinnur fram á kvöld ef þess gerist þörf þó vonandi náist að klára alla sýnatökuna á 8-10 tímum. Þetta segir Óskar Reykdalsson, forstjóri Heilsugæslu höfuðborgarsvæðisins, í Mmorgunblaðinu í dag.

Mest hafa um 4.000 sýni verið tekin á landsvísu á einum degi í faraldrinum, en það var 17. september síðastliðinn þegar 75 smit greindust í kjölfarið. Heilsugæsla höfuðborgarsvæðisins tekur gjarnan 2-3 þúsund sýni daglega en ákvörðun um að bæta við tímum á Heilsuveru var tekin í gær og mun heilsugæslan geta tekið 2.000 fleiri sýni en vant er í dag, eða allt að 5.000 sýni alls.

Ástæðan fyrir því að gefið er í við sýnatökuna er mikill fjöldi smita sem hafa greinst í samfélaginu undanfarið og hefur Heilsugæsla höfuðborgarsvæðisins fengið ábendingar um að fólk hafi ekki komist að í skimun, þrátt fyrir að það sé með einkenni.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir