Maðurinn sem átti húsið í Kaldaseli sem gjöreyðilagðist í bruna í vikunni segir litlu hafa munað að hann yrði sjálfur eldinum að bráð. Atburðurinn hafði mikil og djúpstæð áhrif á hann.

Þetta kemur fram í facebookfærslu Haraldar Rafns Pálssonar, eiganda hússins og lögfræðings, þar sem hann lýsir yfir þakklæti til sinna nánustu og biðlar til allra að vera með eldvarnamál í lagi.

Frétt af mbl.is

Telur að altjón hafi orðið í Kaldaseli

Haraldur hafði nýlega fest kaup á húsinu sem brann ásamt öllu innbúi. Hann slapp naumlega með væga reykeitrun og skrámur en „litlu munaði að ég yrði sjálfur bráð eldsins“, segir hann í færslunni. Tæknideild lögreglunnar á höfuðborgarsvæðinu rannsakar eldsupptökin.

„Fyrir einhverja óskiljanlega ástæðu vaknaði ég upp af værum svefni og náði naumlega að átta mig á aðstæðum og koma mér út, án teljandi meiðsla, fyrir utan væga reykeitrun og nokkrar skrámur. Aðeins nokkrar sekúndur réðu þar úrslitum og á tímabili hélt ég að þetta væru mín örlög og endir,“ skrifar Haraldur.

Frétt af mbl.is

Búið að slökkva eldinn í annað sinn

Hann segist skrifa færsluna fyrst og fremst til að biðja alla um að kanna stöðu mála á reykskynjurum og eldvörnum heima hjá sér og svo til að þakka öllum sem hafa sent honum kveðjur og sýnt honum stuðning.

Frétt af mbl.is

Húsið sem brann skipti nýlega um eigendur

Tengdar fréttir

Eldur í Kaldaseli

Telur að altjón hafi orðið í Kaldaseli

• 120 sjúkraflutningar á sólarhring
• Búið að slökkva eldinn í annað sinn
• Eldur logar í húsinu að nýju
• Húsið sem brann skipti nýlega um eigendur

» Fleiri tengdar fréttir

• Blogga um frétt