Reykjanesið hefur verið fært af hættustigi niður á óvissustig en Norðurland Vestra af óvissustigi upp á hættustig vegna mögulegrar hættu á gróðureldum. Lagt er bann við að hafa opinn eld utandyra. 

Þetta kemur fram í tilkynningu frá almannavörnum.

þar segir að síðasta sólarhringinn hafi verið skúraveður víða suðvestanlands. Eftir stöðufund viðbragðsaðila og Veðurstofunnar sé niðurstaðan sú að hætta á gróðureldum sé enn að mestu óbreytt. Það sé byggt á fyrirliggjandi veðurspá og þeirri staðreynd að víðast hafi úrkoman ekki náð langt niður í jarðveginn og hann áfram þurr.

„Samkvæmt veðurspá eru NA áttir framundan með áframhaldandi þurkum. Hættustig almannavarna verður því áfram í gildi á þeim svæðum sem það náði til eða frá Breiðafirði að Eyjafjöllum. Það er aðeins á Reykjanesi sem úrkoman hefur verið að einhverju ráði og mun það svæði færast niður á óvissustig. Úrkoman hefur ekki náð inn á NV-land og því mun það svæði færast af óvissustigi upp á hættustig.“

Tengdar fréttir

Gróðureldar á Íslandi

Hætta á gróðureldum á Austurlandi

• Gróðureldur í Mosfellsbæ
• Gras, fíflar og lúpína skotið upp kollinum
• Hættustigi aflétt á sunnanverðu landinu
• 31 hektari brunnið við gosstöðvar

» Fleiri tengdar fréttir

• Blogga um frétt