Byrja að tyrfa bráðlega
Setja bókamerki
Hafist verður handa bráðlega við að tyrfa hluta þess svæðis sem lenti undir stóru aurskriðunni á Seyðisfirði 18. desember sl. Sjá má þökur á svæðinu vestan við Búðarána.
Hugrún Hjálmarsdóttir, framkvæmda- og umhverfismálastjóri Múlaþings, sem hefur haft umsjón með hreinsunarstörfum á Seyðisfirði, segir að til standi a tyrfa blettinn neðan við veginn og að svæðið verði rammað inn með þökum.
Annars hefur verið sáð í sárin og hægt er að sjá að gras er tekið að spretta úr því.
„Við ætluðum bara að ramma inn svæðið með þökum. Við ætlum ekki að tyrfa allt sárið, við munum sá áfram í það,“ segir Hugrún.
Hún segir góðan gang í hreinsunarstörfum. Verið sé að undirbúa malbikun á Hafnargötunni, á svæðinu þar sem stóra aurskriðan féll. Þar hefur vegurinn verið sundurgrafinn og þakinn aur. Á góðviðrisdögum eins og hafa verið undanfarið á Austurlandi þyrlast mikið ryk upp við umferð á veginum.
Hugrún segist vongóð um að hefja megi malbikunarframkvæmdir í sumar. „Þessu er smám saman að ljúka, bæði hreinsun og frágangi.“
„Höfum ekki náð að skríða upp úr þeirri gryfju“
Nemendur í HÍ reistu tjaldbúðir án leyfis
Frambjóðendur skila inn listum í Hörpu
Banna mengandi búnað sem leyfður er á Íslandi
Væri að ljúga ef ég segðist ekki stressaður
Vonast til að tjaldbúðir við HÍ standi áfram
Shakespeare fannst í skókassa
Skar höfuðleðrið af íslenskri konu