Björn Leví Gunnarsson, þingmaður Pírata, segir á Facebook-síðu sinni að upplýst hafi verið um að samgönguáætlun sé vanfjármögnuð um 1,5 milljarða á nefndarfundi umhverfis- og samgöngunefndar Alþingis fyrr í dag. 

Þetta segir hann furðulegt þar sem hans skilningur við fjárlagavinnu hafi verið að áætlunin hafi verið fullfjármögnuð.

Vekur hann sömuleiðis athygli á gamalli færslu Sigurður Inga Jóhannessonar, samgöngu- og sveitarstjórnarráðherra, frá því áætlunin var samþykkt á Alþingi þar sem hann sagði hana fullfjármagnaða.

Björn segist í færslunni skrifa frá fundinum og upplýsir jafnóðum um efni fundarins eða það sem þar kemur fram. 

Lilja segir verklok á Dynjandisheiði óbreytt

Tilefni fundarins var fréttaflutningur þess efnis að fallið hafi verið frá útboði stærsta áfanga vegaframkvæmda á Dynjandisheiði.

Lilja Rafney Magnúsdóttir, þingmaður Vinstri grænna, segir á Facebook-síðu sinni að verklok haldist óbreytt þó að flýting verkefnisins hafi ekki gengið eftir. 

Hún segir að fram hafi komið á nefndarfundinum í dag að sumir áfangar heiðarinnar gangi framar áætlunum og segir fréttaflutning af seinkun „ekki fréttir“.

Tengdar fréttir

Alþingi

Fullur kraftur settur í borgarlínuna

• Stjórnarflokkar þrefa enn um bæði menn og málefni
• „Ekki ástæða til þess að snúa öllu á hvolf“
• Vilja að dagskrá þingfundarins verði breytt
• Fjármálaáætlunar von í næstu viku

» Fleiri tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• Blogga um frétt