Auknar líkur á eldingum

Eldingar.
Eldingar. Ljósmynd/Veronika Simon

Fram að helgi er útlit fyrir hæga breytilega átt, skýjað að mestu og skúrir.

Þetta kemur fram í hugleiðingum veðurfræðings Veðurstofu Íslands. 

Þar segir að auknar líkur séu á eldingum í skúraveðrinu og að hiti verði á bilinu 10 til 17 stig.

Um helgina lýkur skúraveðrinu og er útlit fyrir að lægðir nálgist landið á ný með úrkomu á köflum í flestum landshlutum, en úrkomuminna norðaustantil.

Veðurhorfur næstu daga samkvæmt spá Veðurstofu Íslands: 

Á fimmtudag og föstudag:

Hæg austlæg eða breytileg átt og víða skúrir. Hiti 9 til 16 stig.

Á laugardag:
Breytileg átt 3-8 m/s og rigning með köflum, en úrkomulítið V-til. Hiti breytist lítið.

Á sunnudag:
Suðaustlæg átt og súld eða dálítil rigning, einkum austantil. Yfirleitt þurrt á vestanverðu landinu, en þykknar upp og fer að rigna seinnipartinn. Hiti 10 til 18 stig.

Á mánudag:
Suðaustanátt og rigning með köflum, en þurrt NA-lands. Áfram milt í veðri.

Á þriðjudag:
Útlit fyrir austanátt, víða bjart með köflum, en dálítil væta sunnantil. Hiti breytist lítið.

mbl.is