Dómur vegna morðsins í Rauðagerði kveðinn upp
Setja bókamerki
Dómur vegna morðsins á Armando Beqirai verður kveðinn upp í Héraðsdómi Reykjavíkur klukkan 8:50 í dag. Armando var skotinn fyrir utan heimili sitt í Rauðagerði um miðjan febrúar. Um er að ræða hið svokallaða Rauðagerðismál en fjórir eru ákærðir í því.
Angjelin Sterkaj var eini sakborningurinn sem hefur þegar játað að hafa orðið Armando Beqirai að bana þann 13. febrúar síðastliðinn að heimili þess síðarnefnda í Rauðagerði. Angjelin segir að morðið á Armando hafi verið nauðvörn.
Shpetim Qerimi var ákærður fyrir að hafa tekið þátt í morðinu með því að aka Angjelin á vettvang glæpsins og svo til baka þaðan um leið og hann hafði verið framinn. Við aðalmeðferð málsins kom fram að það hafi liðið minna en mínúta frá því að Angjelin og Shpetim komu í Rauðagerði og þar til þeir voru farnir þaðan aftur.
2.000 blaðsíðna lögregluskýrsla
Claudiu Sofiu Coelho Carvalho var gefið að sök að hafa bent Angjelin á hvenær bíll Armandos keyrði af stað í átt að Rauðagerði, til þess að Angjelin gæti vitað hvenær hann ætti að láta til skarar skríða.
Murat Selivrada er gefið að sök að hafa bent Claudiu á hvaða bíl hún ætti að fylgjast með. Þannig hafi hann tekið þátt í morðinu á Armando, sem hann segir hafa verið náinn vin sinn. Við upphaf aðalmeðferðar fyrir rúmum mánuði sagðist Murat eyðilagður vegna málsins.
Málið hefur allt verið mjög umfangsmikið og tók aðalmeðferð þess fyrir héraðsdómi talsverðan tíma. Lögregluskýrsla um málið taldi um 2.000 blaðsíður og vitnin sem komu fyrir dómara við aðalmeðferðina skiptu tugum.
Nemendur í HÍ reistu tjaldbúðir án leyfis
Skiptir miklu meira máli en fólk grunar
Hvorki sést áður hér á landi né annars staðar
Gígbarmurinn hækkað frá því í gær
Krefjast stöðvunar framkvæmda
Skemmtiferðaskip hætt komið nærri Viðey
Tveir í bílnum sem lenti utan vegar