Vigdís leiðir starfshóp um Hjalteyri

Jón Gunnarsson innanríkisráðherra hefur skipað þriggja manna starfshóp undir forystu Vigdísar Häsler Sveinsdóttur lögfræðings til að afla nauðsynlegra gagna og upplýsinga um starfsemi heimilisins á Hjalteyri. Þetta er gert svo unnt sé að taka ákvarðanir um hvort og með hvaða hætti starfsemin verði tekin til frekari rannsóknar og þá hver aðkoma viðkomandi sveitarfélaga skuli vera.

Frétt af mbl.is

Ráðherra skipar starfshóp um Hjalteyrarmálið

Aðrir í starfshópnum eru Ásgeir Örn Blöndal Jóhannsson, lögmaður, og Halldór Þormar Halldórsson, umsjónarmaður sanngirnisbóta. Starfsmaður hópsins er Ingibjörg Gyða Guðrúnardóttir, tengiliður sanngirnisbóta. Starfshópurinn hefur þegar tekið starfa.

Þetta kemur fram á vef Stjórnarráðsins.

Frétt af mbl.is

Starfið í Richardshúsi í rannsókn

Þar segir, að löggjöfin sem gilti um starfsemi vistheimilanefndar, lög nr. 26/2007 um skipan nefndar til að kanna starfsemi vist- og meðferðarheimila fyrir börn, hafi verið felld úr gildi þar sem ekki var talin þörf á frekari könnunum vistheimilanefndar til að ljúka uppgjöri sanngirnisbóta.

„Verkefni hins nýstofnaða starfshóps munu ná til þess að lýsa tildrögum að starfsemi heimilisins, lýsa því hvernig opinberu eftirliti var háttað og skila tillögum til stjórnvalda um frekari viðbrögð og afmörkun verkefnisins. Hópurinn á að lokum að lýsa þeim lagahindrunum sem eru fyrir frekari rannsókn málsins og eftir atvikum að leggja fram tillögu að því hvort niðurstöður starfshópsins kalli á lagabreytingar. Miðað er við að starfshópurinn taki meðal annars til nánari skoðunar rannsóknir og skýrslur vistheimildanefndar,“ segir í tilkynningu ráðuneytisins.

• Blogga um frétt