Lögmaður Hreggviðs staðfestir kæru
Setja bókamerki
Eva B. Helgadóttir, lögmaður Hreggviðs Jónssonar, staðfestir við mbl.is að Hreggviður, Ari Edwald og Þórður Már Jóhannesson hafi fyrir helgi kært Vítalíu Lasarevu og Arnar Grant til héraðssaksóknara fyrir tilraun til fjárkúgunar, hótanir og brot gegn friðhelgi einkalífsins, líkt og Fréttablaðið greindi frá í morgun.
Einnig staðfestir hún að engin kæra hafi verið lögð fram á hendur mönnunum. Áður hafði komið fram að Vítalía hafi kært mennina til lögreglu fyrir kynferðisofbeldi.
„Að öðru leyti er málið á því stigi að rannsóknarhagsmunir gera það að verkum að það er ekki ráðlegt að tjá sig meira um málið en það,“ segir Eva.
Spurð hvers vegna málið sé kært núna segir hún að það eigi eftir að koma í ljós.
/frimg/7/51/751719.jpg)
Málið snertir samkvæmi í sumarbústað í Skorradal í október 2020 en eins og áður hefur komið fram í fjölmiðlum hefur Vítalía sagt að brotið hafi verið á henni í samkvæminu. Hún birti nöfn Ara, Hreggviðs, Þórðar Más og Arnars Grants með færslu sem hún setti á samfélagsmiðilinn Instagram um ári síðar. Færslan var tekin niður samdægurs.
Tveir í bílnum sem lenti utan vegar
Beint frá Kína
Vélsleðaslys: Þyrlan kölluð út á mesta forgangi
Verðbólgan komin niður í 6%
Vona að Orkustofnun veiti ekki virkjunarleyfi
Æskuvinur Íslendings myrtur í Noregi