Slökkviliðsmenn Brunavarna Austur-Húnvetninga héldu í gær athöfn þar sem þeir vottuðu vini sínum og liðsmanni, Kára Kárasyni, fjölskyldu hans og „öllum þeim sem eiga um sárt að binda“ samúð sína og samstöðu.

Kári er sá sem varð fyrir skotárás á heimili sínu á Blönduósi á sunnudaginn síðasta. Eiginkona Kára, Eva Hrund, lést í árásinni en Kári liggur enn þungt haldinn eftir skot í kviðinn.

Mynd frá athöfninni birtu Brunavarnir Austur-Húnvetninga á Facebook-síðu sinni í dag og gáfu mbl.is í kjölfarið góðfúslegt leyfi til endurbirtingar.

„Ekki er hægt að koma í orð öllum þeim tilfinningum sem hafa vaknað hjá okkur öllum vegna þessa hræðilega harmleiks en mynd segir meira en mörg orð,“ segir í færslunni.

Ljósmynd/Brunavarnir Austur-Húnvetninga

Tengdar fréttir

Skotárás á Blönduósi

Niðurfelling í Blönduósmáli staðfest

• Niðurfelling Blönduóssmáls kærð
• Málið fellt niður á grundvelli neyðarvarnar
• Rannsókn lokið og atburðarásin reifuð
• Staða sakborninga áfram sú sama

» Fleiri tengdar fréttir

• Blogga um frétt