Telur forsendur breyttar í hryðjuverkamáli
Setja bókamerki
Sveinn Andri Sveinsson, lögmaður annars mannsins sem grunaður er um skipulagningu hryðjuverka, segir breyttar forsendur fyrir gæsluvarðhald í kjölfar mats geðlæknis á mönnunum. Gæsluvarðhald á grundvelli almannahagsmuna rennur út í dag.
Sveinn Andri segir mennina hafa fyrst verið úrskurðaðir í gæsluvarðhald vegna rannsóknarhagsmuna og svo síðar á grundvelli almannahagsmuna.
„Þá lá til grundvallar þeim úrskurði héraðsdóms og landsréttar hættumat sem greiningadeild ríkislögreglustjóra hafði unnið. Almennt í svona greiningum er stór þáttur mat á geðrænu ástandi en það hafði ekki farið fram.
Geðlæknir var dómkvaddur til að leggja mat á sakborninga. Hann skilaði niðurstöðum í fyrradag. Það er hans mat að sakborningarnir tveir séu ekki hættulegir, hvorki sjálfum sér né öðrum einstaklingum eða hópum,“ segir Sveinn Andri í samtali við mbl.is
Hann segir hættumat greiningardeildarinnar byggja á ákveðnum stöðlum þar sem merkt er í box og það sé alltaf matskennt. Inn í þá greiningu vanti mat á andlegu ástandi en nú liggur það fyrir.
„Þetta ætti að leiða til þess að dómari vindi ofan af þessu hættumati lögreglunnar.“
Gæsluvarðhaldskrafa héraðssaksóknara verður tekin fyrir í dag en óvíst er hvort dómari kveði úrskurð sinn í dag.
Glæpastarfsemi orðin mun skipulagðari
Mikill útflutningur frá Vestfjörðum
Fjöldi í varðhaldi – mikið haldlagt á árinu
Óánægja er með áform um efnistöku
Maðurinn sem leitað var að fannst látinn
Grænlendingar vildu ekki fá björninn til baka
Gerðu umfangsmiklar loftárásir á Líbanon
Vangaveltur gengu lengra en innistæða var fyrir