Lítil skjálftahrina í Mýrdalsjökli
Setja bókamerki
Sjö skjálftar mældust í Mýrdalsjökli á milli klukkan sjö og níu í kvöld. Fimm þeirra voru yfir tveimur stigum en sá stærsti 2,6 stig að stærð. Ekki hefur skjálftavirknin verið mikil eftir það, að sögn Einars Bessa Gestssonar, veðurfræðings á Veðurstofu.
„Þetta er Mýrdalsjökull og þá fylgjumst við alltaf vel með,“ segir Einar í samtali við mbl.is.
Virk eldstöð og því fylgst með
„Það er alls ekki óalgengt að það verði skjálftahrinur í Mýrdalsjökli,“ bætir hann við og nefnir að skjálftar á svæðinu hafi farið yfir þrjú stig í desember, október og nóvember.
Erfitt sé að segja til um nákvæma orsök skjálfta á þessu stigi en um er að ræða virka eldstöð og því alltaf efni til að fylgjast með þróun mála á svæðinu.
Jarðskjálfti að stærðinni 3,8 varð í norðanverðri Kötluöskju í desember en þá voru ekki uppi merki um óvenjulega virkni.
„Bíð bara eftir að það fari að gjósa aftur“
„Mjög miður að af þessu hljótist kostnaður“
Segir forseta þingsins segja ósatt frá fundinum
Um 70 jarðskjálftar í kvikuganginum
„Hann var lokaður inni í bátnum“
Kemur ekki til greina að semja við ESB