Líklegt er að hátt í fjögur hundruð hafi látist vegna Covid-19 á Íslandi í fyrra en ekki ríflega tvö hundruð eins og talið hefur verið.
Skráð andlát vegna veirunnar voru 211 í fyrra en til viðbótar við það er Covid-19 nefnt hátt í sjötíu sinnum á dánarvottorðum, sem gerir andlát tengd veirunni hátt í þrjú hundruð.
Flest bendir til þess að dauðsföll vegna faraldursins hafi verið enn fleiri í fyrra og segir Alma Möller landlæknir að umframdauðsföll séu um fjögur hundruð, að því er Rúv greinir frá.
Segir þar að þetta muni skýrast endanlega í vor, þegar dánarmeinaskrá liggur fyrir.