„Eldgosið sem hófst kl. 20:23 í gærkvöldi heldur áfram en eftir því sem leið á nóttina dró úr virkninni á gossprungunni og nú gýs á þremur stöðum,“ segir í nýrri tilkynningu frá Veðurstofu Íslands. 

Einnig dró verulega úr skjálftavirkninni í nótt og nánast engin skjálftavirkni mældist eftir kl. 3 til morguns, en þá dró einnig úr gosóróa.

Segir að þessari þróun svipi mjög til fyrri gosa á Sundhnúkagígaröðinni.

Frétt af mbl.is

Hagar sér eins og Kröflugos

200 metra frá lögninni

Skömmu eftir miðnætti fór hraun yfir Grindavíkurveg og stefndi í átt að heitavatnslögninni frá Svartsengi. Lítil hreyfing hefur verið á þeirri hrauntungu síðan í nótt og er hraun nú um 200 metra frá lögninni.

Frétt af mbl.is

Hraun rennur enn í átt að Suðurstrandarvegi

Önnur hrauntunga rennur meðfram varnargörðum austan við Grindavík og í átt að Suðurstrandarvegi.

„Viðbragðsaðilar á svæðinu fylgjast með framrásarhraða hraunsins þar en það hefur færst hægt og rólega áfram.“

Tengdar fréttir

Eldvirkni á Reykjanesskaga

Greina breytingar á skjálftavirkni

• Veðurstofan í biðstöðu
• Áframhaldandi skjálftavirkni við Svartsengi
• Rólegt á vakt Veðurstofunnar
• Lengsta lota kvikusöfnunar frá upphafi atburðanna

» Fleiri tengdar fréttir

• Blogga um frétt