Hvetja fólk til að skipta út nagladekkjunum

Lögreglan á höfuðborgarsvæðinu hvetur þá ökumenn sem enn eru á nagladekkjunum til að skipta þeim út. 

Þetta kemur fram í tilkynningu frá embættinu en það segir að í ljósi veðurspár næstu daga sé óþarfi að vera á nagladekkjum núna. 

Þá er það undirstrikað í tilkynningunni að frá og með 13. maí geti ökumenn bifreiða, búnum nagladekkjum, átt von á sekt. 

Lögreglan á höfuðborgarsvæðinu hvetur fólk til að skipta út nagladekkjunum. mbl.is/Golli

• Blogga um frétt