„Allir komnir undir læknishendur“
Setja bókamerki
Björgunarstarf gekk vel á Suðurlandi í dag þar sem rúta valt út af Rangárvallavegi. Bílstjórinn og allir 26 farþegar rútunnar eru Íslendingar og hver einasti þeirra var fluttur slasaður á sjúkrahús.
Bílveltan átti sér stað nálægt bænum Stokkalæk, um 9 km norðaustur af Hvolsvelli, skömmu fyrir kl. 17 í dag. Ekki liggur fyrir með hvað hætti slysið varð en lögreglan á Suðurlandi fer með rannsókn þess.
Hópslysaáætlun var virkjuð vegna slyssins. Samhæfingarstöð almannavarna í Skógarhlíð var einnig virkjuð.
Gríðarlega margir sjúkraflutningabílar voru kallaðir til, bæði frá slökkviliðinu á höfuðborgarsvæðinu og Heilbrigðisstofnun Suðurlands, og tvær þyrlur Landhelgisgæslunnar voru ræstar út.
„Gekk mjög vel“
„Björgunarstarfið gekk mjög vel,“ segir Jón Gunnar Þórhallsson, yfirlögregluþjónn á Suðurlandi, í samtali við mbl.is
Hver einasti um borð í rútunni var fluttur á sjúkrahús til aðhlynningar, ýmist á Heilsugæsluna á Hellu eða Heilbrigðisstofnun Suðurlands og flytja þurfti sjö með þyrlum á Landspítalann í Fossvogi.
/frimg/1/49/43/1494326.jpg)
Óljóst hverjir áverkarnir eru
„Það voru allir komnir undir læknishendur,“ segir Jón Gunnar, sem kveðst samt ekki geta tjáð sig um líðan hinna slösuðu.
Jón sagði við mbl.is fyrr í dag að allir í rútunni væru Íslendingar. Hann benti einnig á að áverkar á fólki væru mismunandi en að einhverjir væru „meiriháttar“.
Rútan er í eigu rútufyrirtækisins GTS, Guðmunds Tyrfingssonar.
Hjálparsíminn 1717 veitir sálrænan stuðning til þeirra sem þess óska. Opnað hefur verið söfnunarsvæði aðstandenda í húsnæði Árnesdeildar RKÍ að Eyrarvegi 23 Selfossi einnig.
Helsta sóknarfærið í elstu hópunum
Eldur í þaki Kringlunnar
Töluverður reykur og vatn inni í Kringlunni
„Er til bóta en búið að þynna það allt of mikið“
Áætlar að tíu fyrirtæki hafi orðið fyrir verulegu tjóni
Ekki mikil hreyfing á hrauntungunni
„Lyktaði eins og öskubakki“
Vægast sagt ósanngjarnt að tala um ekkert samráð