Karl Óttar nýr bæjarstjóri í Fjarðabyggð
Setja bókamerki
Karl Óttar Pétursson hefur verið ráðinn bæjarstjóri Fjarðabyggðar, en gengið var frá ráðningu hans á bæjarráðsfundi í morgun. Karl Óttar er 47 ára gamall og hefur undanfarin ár starfað sem forstöðumaður lögfræðisviðs Arion banka.
Í tilkynningu um ráðninguna á vef sveitarfélagsins segir að Karl Óttar hafi frá árinu 2014 verið framkvæmdastjóri rokkhátíðarinnar Eistnaflugs í Neskaupstað og hafi því góða tengingu við samfélagið í Fjarðabyggð.
Karl Óttar lauk BA-prófi í sagnfræði frá Háskóla Íslands árið 1995, með heimspeki sem aukagrein. Árið 2002 lauk Karl svo embættisprófi í lögfræði frá Háskóla Íslands og hlaut árið 2011 löggildingu sem héraðsdómslögmaður.
Áður en Karl Óttar hóf störf hjá Arion banka starfaði hann hjá Héraðsdómi Vestfjarða og Kaupþingi. Hann tekur við starfi bæjarstjóra af Páli Björgvini Guðmundssyni.
„Það þarf að vinna mikinn fjölda upp“
Tveir í bílnum sem lenti utan vegar
Væri að ljúga ef ég segðist ekki stressaður
Krefjast stöðvunar framkvæmda
Skemmtiferðaskip hætt komið nærri Viðey
Gígbarmurinn hækkað frá því í gær
„Höfum ekki náð að skríða upp úr þeirri gryfju“