Þór nýr sveitarstjóri Vopnafjarðarhrepps

Þór Steinarsson hefur verið ráðinn sveitarstjóri Vopnafjarðarhrepps.
Þór Steinarsson hefur verið ráðinn sveitarstjóri Vopnafjarðarhrepps.

Þór Steinarsson hefur verið ráðinn sveitarstjóri Vopnafjarðarhrepps. Var ráðning hans staðfest á fundi sveitarstjórnar í dag, að því er fram kemur í frétt á vef sveitarfélagsins.

Þór er með meistaragráðu í stjórnsýslu frá Háskóla Íslands og hefur starfað hjá Reykjavíkurborg frá árinu 2012, þar af sem aðstoðarmaður sviðsstjóra umhverfis- og skipulagssviðs Reykjavíkurborgar sl. fimm ár.

Þór tekur til starfa hjá Vopnafjarðarhreppi 1. ágúst 2018.

Fimmtán sóttu um stöðuna, drógu þrír umsókn sína til baka.

mbl.is