Margir virtu blóðmánann fyrir sér

Þessi mynd var tekin í Griffith Park í Los Angeles ...
Þessi mynd var tekin í Griffith Park í Los Angeles í Kaliforníu. AFP

Margir virtu blóðmánann, almyrkva á tungli, fyrir sér í dag en hann mátti sjá frá vesturhluta Norður-Ameríku, Kyrrahafinu, austurhluta Ástralíu og Asíu. Máninn sást ekki frá Íslandi að þessu sinni. Nokkrar myndir af blóðmánanum má sjá í myndasyrpu sem fylgir fréttinni. 

Al­myrkvi á tungli verður þegar tunglið fell­ur inn í skugg­ann sem jörðin varp­ar á tunglið en þetta er í eina skiptið sem skuggi jarðar fell­ur á tunglið. Þetta ger­ist aðeins þegar tunglið er fullt, þ.e. þegar jörð er á milli sól­ar­inn­ar og tungls­ins.

Rauði lit­ur­inn skýrist af ljós­dreif­ingu, þ.e. ljós frá sól­inni berst í gegn­um lofthjúp jarðarinnar, dreif­ist og verður rautt. Ljósið fer til tungls­ins, end­ur­varp­ast á yf­ir­borðinu og þá sést ljósið frá öll­um sól­ar­upp­rás­un­um og sól­setr­um jarðar­inn­ar.

Hér má lesa meira um tungl­myrkva.

mbl.is
Einyrki-Launakerfi.Launaseðlar í Excel
Töflukerfi í MS-Excel fyrir Launaútreikn,Launaseðla, Skilagr RSK og Lífeyrissj. ...
Til sölu blár Nissan Leaf.
2016 árgerð, ekinn 26 þús. sem nýr. 30 Kw. hraðhleðsla, vetrar/sumardekk, ljós i...
JEMA Bílalyftur í bílskúrinn
Frábærar skæralyftur sem henta í bílskúrinn,lyfta 1,2 m og 2,8T, glussadrifnar...