Risastórt holrúm í píramídanum

Píramídi Khufu er vinsæll viðkomustaður ferðamanna í Giza.
Píramídi Khufu er vinsæll viðkomustaður ferðamanna í Giza. AFP

Ráðgátan um píramídana er nú orðin enn dularfyllri eftir að stórt holrúm fannst í Khufu-píramídanum (Cheops) í Egyptalandi.

Í ítarlegri frétt BBC um málið segir að hlutverk holrúmsins sé óþekkt og þá sé enn á huldu hvort  þar sé eitthvað verðmætt að finna þar sem erfitt er að rannsaka það af augljósum ástæðum.

Japanskir og franskir vísindamenn hafa rannsakað píramídana og svæðið sem þeir standa á í um tvö ár og hafa nú birt niðurstöður sínar. 

Við rannsóknir sínar hafa þeir notað tækni sem mælir þéttleika, m.a. í grjóti og steypu. Píramídi Khufu var reistur er faraóinn Khufu ríkti á árunum 2509-2483 fyrir Krist.

Hann er 140 metra hár og er stærstur píramídanna í Giza sem er í útjaðri höfuðborgarinnar Kaíró.

Inni í píramídanum eru þrjú stór herbergi og langir gangar, einn þeirra er 47 metra langur og 8 metra hár. Hið nýuppgötvaða holrúm er beint fyrir ofan herbergin. Ekki er vitað hvort það rými er hólfað niður. „En það sem við erum viss um er að þarna er stórt holrúm, að það er mikilfenglegt, og að það var ekki búist við því að það væri þarna,“ hefur BBC eftir Mehdi Tayoubi, frönskum vísindamanni sem kom að rannsókninni.

Vísindateymið er varfærið í því að lýsa holrúminu sem herbergi. Talið er mögulegt að herbergi píramídans hafi m.a. haft það hlutverk að koma í veg fyrir að hann hryndi. 

mbl.is
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
BÍLAKERRUR BÍLKERRUR STURTUKERRUR
Vinsælu ANSSEMS og HULCO fjölnotakerrurnar, sjá fjölda mynda bæði á bland.is og ...
 
Fundur
Fundir - mannfagnaðir
Fulltrúaráð sjálfstæðisfélaganna...
Breytt deiliskipulag arnarfelli
Fundir - mannfagnaðir
Auglýsing Breytt deiliskipulag að ...
Hafnarvörður
Skrifstofustörf
????????????? ???????????? ??? ??????? ...
Lausafjáruppboð
Nauðungarsala
Lausafjáruppboð Einnig birt á www.naud...