Finnst í öllum Apple-tækjum

Öryggisgallar í örgjörvum finnast í öllum snjalltækjum og tölvum frá Apple, það er iPhones, iPads og Mac-tölvum. Apple biður eigendur slíkra tækja að hlaða ekki niður hugbúnaði nema frá áreiðanlegum aðilum til þess að forðast sýkt smáforrit.

Upplýsts var um það fyrr í vikunni að tæknifyrirtæki ynnu að því hörðum höndum að koma í veg fyrir að tölvuþrjótar gætu nýtt sér gallana til þess að stela viðkvæmum upplýsingum. Um er að ræða Spectre sem er í örgjörvum frá örgjörvaframleiðendunum Intel og ARM. Meltdown nefnist hinn öryggisgallinn og er hann í örgjörvum frá Intel.

BBC segir að samkvæmt upplýsingum frá Apple þá hafa ákveðnar endurbætur verið sendar út til notenda en ekkert bendi til þess að tölvuhakkarar hafi nýtt sér gallana. 

Samkvæmt BBC telja margir Mac-notendur að þeirra tæki og stýrikerfi séu í minni hættu þegar kemur að öryggismálum en Android snjallsímar eða tölvur sem eru með Microsoft stýrikerfi. En það eigi ekki við um Spectre og Meltdown. Því öryggisgallarnir finnast í öllum nútímatölvum eða réttara sagt örgjörvum sem framleiddir eru af Intel eða ARM. Saman eru fyrirtækin tvö með nánast allsráðandi markaðshlutdeild á tölvumarkaðinum.

Frétt af mbl.is

Tölvugallinn mun stærri en haldið var

• Blogga um frétt