Flestar stökkbreytingar kórónuveirunnar breyta litlu

Flestar stökkbreytingar breyta litlu eða bækla kórónuveiruna. Örsjaldan koma fram stökkbreytingar sem gera veiruna þróttmeiri, það er auka sýkingarhæfni hennar eða hæfni hennar til að koma veirum áfram í sem flesta hýsla.

Slík aukin sýkingarhæfni þýðir ekki endilega verri sjúkdóm, því að áberandi og íþyngjandi sjúkdómseinkenni draga yfirleitt úr útbreiðslu og framgangi veirufaraldra.

Frétt af mbl.is

Greindist með tvenns konar afbrigði veirunnar

Þetta kemur fram í svari um stökkbreytingar kórónuveirunnar á Vísindavefnum. Þar segir að líklegra sé að veiran nái meiri útbreiðslu og að erfiðara verði að hefta hana vegna lítilla eða engra sjúkdómseinkenna, svipað og á við um flestar kvefpestir.

Tíðni stökkbreytinga í SARS-CoV-2-veirunni er lág líkt og í öðru erfðaefni, en áætlað er að við eftirmyndun erfðaefnisins verði mistök í um einu af milljón skiptum, það er stökkbreytingartíðnin í hverju basaseti (e. nucleotide position) er ~10^-6 fyrir hverja eftirmyndun.

Líklegt er að veiran eftirmyndist að minnsta kosti tíu umferðir í hýsli áður hún nær að sýkja nýjan hýsil. Heildarlíkurnar á stökkbreytingum frá einum hýsli í næsta eru því rúmlega 10^-5 á hvert basaset. Basasetin eru nærri 30.000 í veiruerfðamenginu, það er hver veira hefur náð sér í um eina stökkbreytingu, og flestar veirurnar eru með mismunandi stökkbreytingar.

• Blogga um frétt