Gordon Moore, tæknifrumkvöðull og annar stofnenda Intel, lést í gær 94 ára að aldri.
Moore var menntaður verkfræðingur og stofnaði, ásamt Robert Noyce, tæknifyrirtækið Intel árið 1968. Fyrirtækið framleiðir meðal annars örgjörva í nær allar tegundir tölva.
Moore lét af störfum hjá Intel árið 2006.
Í yfirlýsingu frá Intel sagði að Moore hafi látist umkringdur fjölskyldu sinni á heimili sínu á Havaí.
Tim Cook, forstjóri Apple, minntist Moore á Twitter og sagði hann hafa verið einn af stofnendum Kísildals (e. Silicon Valley).
The world lost a giant in Gordon Moore, who was one of Silicon Valley’s founding fathers and a true visionary who helped pave the way for the technological revolution. All of us who followed owe him a debt of gratitude. May he rest in peace.
— Tim Cook (@tim_cook) March 25, 2023