Helga systurdóttur Alberts Eiríkssonar á alberteldar.com eldaði handa honum stórkostlegt lambakjöt á dögunum. Helga er Íslandsmeistari í kjötiðn og kann öll réttu handtökin. „Helga úrbeinaði lambahrygginn fimlega og bar sig fagmannlega að þessu öllu. Hryggurinn gjörsamlega bráðnaði í munni og þessi fylling, guð minn góður, hún er himnesk,“ segir Albert en með hryggnum var Helga með æðislega ostasósu og kartöflur.
Lambahryggur með himneskri fyllingu, sósu og kartöflum
1 heill lambahryggur úrbeinaður og við stofuhita
Fylling
1 hvítlauksostur
1/2 rjómapiparostur
3 hvítlauksgeirar
góður slatti af ferskri steinselju
2 dl fetaostur
1-2 dl sólþurrkaðir tómatar
2 msk ristaðar furuhnetur
1 tsk rósmarín
salt og pipar
Setjið allt í matvinnsluvél og maukið. Leggið hrygginn úflattan á borð, setjið lundirnar í miðjuna, ostamaukið yfir og lokið honum með því að binda garn utan um hann. Takið frá u.þ.b. 1/3 af fyllingunni og nokkrar furuhnetur til að setja yfir hrygginn.
Í fatið:
rósmarín
laukur, blaðlaukur og rauðlaukur
salt og pipar
Setjið rósmarín, lauk, salt og pipar á botninn á eldföstu formi. Hellið yfir 1 dl af vatni. Leggið hrygginn ofan á, kryddið með salti, pipar og rósmarín, setjið restina af fyllingunni yfir og stráið furuhnetunum yfir. Bakið við 125°C í um 2 klst. Hækkið hitann í 180° síðustu mínúturnar.
Ostasósan góða
1 piparostur
1 villisveppaostur
nautakjötkraftur
grænmetiskraftur
salt og pipar
soð af hryggnum
Setjið osta, kraftana og krydd í pott og sjóðið á lágum hita. Bætið soði við. Smakkið til
Kramdar og bakaðar kartöflur
10 kartöflur soðnar með hýði
1 dl rjómi
1 dl rifinn ostur
Setjið kartöflurnar í form, kremjið þær aðeins niður, hellið rjóma yfir og rifnum osti. Bakið við 8-10 mín. Síðustu mínúturnar sem hryggurinn er í ofninum