Matur | mbl | 14.8.2017 | 11:01 | Uppfært 15.8.2017 11:42

Möndluhvítlaukslax bakaður á ananas

Virkilega bragðgott og hollt! mbl.is/Ófeigur Lýðsson

Lax er bæði hollur og góður. Ananasinn og chiliið kallast á og bæta hvort annað upp, sterka chilibragðið er mótvægi við sæta ananasinn og saman passa vel með laxinum, hvítlauknum og möndlunum. Laxinn í álpapprírnum má einnig setja á grillið.

<b>Möndluhvítlaukslax bakaður á ananas</b>

1 laxaflak
1/2 ananas
50 g smjör
1 tsk. hunang
2/3 tsk. chili saxað
4 stórir hvítlauksgeirar, saxaðir smátt
2 msk. sítrónusafi
1 dl möndlur, saxaðar gróft
1 dl söxuð steinselja
salt og pipar

Skerið laxinn í bita. Afhýðið ananasinn og skerið í 4-5 mm sneiðar. Bræðið smjörið í potti og bætið út hunangi, chili, hvítlauk, sítrónusafa, möndlum, steinselju, salti og pipar.

Raðið 3-4 ananassneiðum á álpappír og setjið fiskinn ofan á. Brjótið upp á álpappírinn þannig að smjörið renni ekki út. Hellið úr pottinum yfir laxastykkin. Setjið álpappír yfir og bakið í um 20 mín. við 175°C eða þangað til laxinn er steiktur í gegn.