Matur | mbl | 23.3.2019 | 11:01

Ljúffengar bananapönnsur

Pönnukökur eru alltaf vinsælar á matarborðið. mbl.is/Becel

Pönnukökur eru góðar og afar ljúffengar í magann. Ef þú bætir banönum við uppskriftina verða þær aðeins sætari og betri eins og í þessu tilviki. Hér er einföld uppskrift sem þú getur auðveldlega breytt eftir þínu höfði – þú getur til dæmis sett örlítið af kanil eða kardimommu sem kryddar aðeins bragðið í uppskriftinni.

Ljúffengar bananapönnsur (8 stk.)

2 msk. smjör
2 þroskaðir bananar
4 egg
Vanillusykur á hnífsoddi
Fersk ber eða ávextir ásamt kókosflögum til skrauts

Aðferð:

Blandið banönum, vanillusykri og eggjum saman í blandara.
Setjið smjör á pönnu og hellið deiginu í skömmtum út á pönnuna þannig að myndist pönnukaka. Munið að snúa!
Berið fram með ferskum berjum, ávöxtum og kókosflögum.