Þessi kjúklingaréttur er svo einfaldur en góður. Sósuna er hægt að nota í allt mögulegt, en hún er einnig góð með fisk, hakki & taco. Uppskriftin en hugsuð fyrir þrjá og inniheldur nákvæmlega 904 hitaeiningar þannig að kvöldverðurinn á mann er ekki nema 301 hitaeining.
Það er Íris Blöndahl á GRGS sem á þessa uppskrift og þökkum við henni kærlega fyrir að reikna út næringargildið. Það er nefnilega alltaf gaman að vita hvað maður er að borða mikið - svona oftast allavega.
Mexíkósk kjúklingalæri í heimagerðri tómatsalsa
- 700 gr úrbeinuð kjúklingalæri frá Rose Poultry
- 1 tsk. chili krydd (eða eftir smekk)
- 200 gr konfekt tómatar
- 2 msk. ferskt kóríander
- 1/2 rauðlaukur
- 4 hvítlauksrif
- Salt & Pipar
- 2 msk. Olía
- 1 lime
NÆRINGARGILDI
- Kjúklingalæri 560 Cal
- Olía 240 Cal
- Hvítlaukur 18 Cal
- Tómatar 34 Cal
- Rauðlaukur 30 Cal
- Lime 20 Cal
- Kóríander 2 Cal
- Samtals í Uppskrift: 904 Cal
TÓMATSALSA
Stillið ofn á 190°C.
Skerið tómatana í helming og raðið í eldfast mót
Skerið smátt rauðlauk, hvítlauk og kóríander og setjið í skál
Bætið Olíu, Chili kryddi, Salti & Pipar og Lime við í skálina og blandið saman
Þessu er öllu helt yfir tómatana og sett inní ofn í 20 mínútur
Fatið er tekið út og öllu helt yfir í blender/matvinnsluvél
Blandað þar til verður að sósu og borið fram með kjúklingnum
KJÚKLINGALÆRI
Úrbeinuðu lærin eru sett í eldfast mót
Bakað inní ofni á 190°C í 25 mínútur eða þar til hann er full eldaður
Á myndinni fyrir neðan sést hvernig tómat salsað er áður en það fer inn í ofn og svo hvernig hún er eftir að hafa farið blender og búið er að hella henni yfir kjúklinginn. Ég raspaði parmesan yfir og setti svo salt & pipar yfir og bar fram með salati.