Matur | mbl | 2.8.2019 | 16:24

Pizza sem kemur skemmtilega á óvart

Kartöflupizza er betri en þú heldur. mbl.is/Tia Borgsmidt

Hvernig væri að kveikja undir ofninum sem við geymum út í garði, eða grillinu okkar - og skella þunnbotna pizzum á teinana, alveg eins og Ítalarnir gera. Hér er uppskrift að pizzabotni með grófu durum hveiti og áleggi sem kemur skemmtilega á óvart.

Pizza sem kemur skemmtilega á óvart (fyrir 4)

Pizzadeig:

2,5 dl vatn
20 g ger
2 tsk. gróft salt
200 g gróft durum hveiti
150 g ítalskt hveiti Tipo 00 (má líka nota venjulegt hveiti)

Álegg:

2 bökunarkartöflur
Ricotta ostur
4 rósmarín greinar
Flögusalt
Truffluolía
Ferskar jurtir að eigin vali.

Aðferð:

Hellið vatni í skál og leysið gerið upp.
Bætið salti út í og því næst grófa durum hveitinu, smátt og smátt á meðan hrært er í á meðan.
Látið hefast á volgum stað í 30 mínútur.
Skiptið deiginu upp í fjóra jafna bita.
Skerið kartöflurnar í mjög þunnar skífur, t.d. með mandolin járni.
Saxið rósmarín.
Fletjið deigin út. Smyrjið botnana með ricotta og stráið rósmarín yfir.
Deilið kartöflunum jafnt ofan á botnana og kryddið með salti og pipar.
Bakið á grillinu þar til kanturinn er orðinn stökkur.
Dreypið truffluolíu yfir og skreytið með ferskum jurtum að eigin vali.