Það er varla þorandi að reka inn nefið í verslanir þessa dagana þar sem freistingar fyrir jólin eru á hverju strái.

Ferm Living er alltaf með puttann á púlsinum þegar kemur að fallegum vörum fyrir heimilið og þá ekki síst fyrir eldhúsið. Við erum að sjá nýjan hnetubrjót með handfang eins og valhneta í laginu, úr brass áferð. Ný viskastykki í þremur litum með jólalegu munstri sem gaman er að geta dregið fram yfir jólamánuðina. Servíettuhringir eru einnig nýjir frá Ferm Living og koma tveir saman í pakka – en þessir munu setja punktinn yfir i-ið þegar við leggjum á borð. Og síðast en ekki síst eru það litlir standar fyrir borðkortin svo allir viti hvar þeir eigi að sitja við hátíðarborðið á jólunum.