Það er engin önnur en Solla Eiríks sem á heiðurinn af þessari uppskrift sem kemur einmitt úr bollubæklingi Hagkaupa.
Lífrænar speltbollur
- 475 ml jurtamjólk
- 50 g kókosolía eða vegan smjör
- 3 msk. hlynsíróp
- 1 pakki (11 g) þurrger
- 1 tsk. vanilla
- ½ tsk. sjávarsalt
- 600 g fínt spelt, lífrænt frá Himneskt
- Skerið jurtasmjörið í litla bita og bræðið í potti ásamt jurtamjólkinni, hlynsírópinu og vanillu. Hrærið í pottinum á meðan blandan bráðnar, takið svo pottinn af hellunni og kælið.
- Þegar blandan hefur kólnað niður í um það bil 37 °C, hellið henni í hrærivélarskál, stráið þurrgerinu yfir og látið standa í um 15 mínútur.
- Blandið speltinu og saltinu út í og hrærið saman.
- Látið viskastykki yfir skálina og látið standa á hlýjum stað svo deigið geti hefast í um 20-30 mín.
- Þar sem þetta deig er klístrað er gott að nota ískúluskeið til að móta bollurnar, sem eru settar á bökunarpappír á ofnplötu.
- Uppskriftin gefur um 15 bollur.
- Látið bollurnar hefast aftur í um það bil 20 mínútur á plötunni áður en þær eru settar í ofninn.
- Bakið við 190°C í um 20 mínútur.
Fylling:
- Lífrænt eplamauk frá Himneskt
- Marsípan, rifið
- Fersk jarðarber, niðurskorin
- Hafrarjómi frá AITO, þeyttur
- Flórsykur til að strá yfir
Aðferð:
- Skerið bollurnar í tvennt.
- Setjið skeið af eplamauki á botninn, stráið rifnu marsipani yfir. Raðið jarðarberjunum á botninn og setjið skeið af þeyttum hafrarjóma yfir.
- Lokið bollunum og stráið flórsykri yfir lokin með sigti.