Klósettpappír hefur verið eitt af því mest umtalaða á veraldarvefnum síðustu vikurnar. Og margir gera sitt allra besta til að láta pappírinn endast lengur. Þá sérstaklega barnafjölskyldur þar sem krakkarnir rúlla upp á alla höndina.

Það var ein úrræðagóð húsmóðir sem fann lausnina á þessum vanda og deildi því á samfélagsmiðlum. Þú einfaldlega klessir rúlluna flata saman. Þannig spornar þú við því að rúllan renni of hratt á klósettrúlluhaldaranum. Og þá vitnar hún sérstaklega í heimili með krakka sem eru frá skóla þessa dagana, og spæna upp rúllunum eins og enginn sé morgundagurinn.

Virkir í athugasemdum létu í sér heyra og gáfu húsmóðurinni gott lof fyrir ráðið. Sögðu húsráðið vera sparnað fyrir heimilið til lengri tíma, og enn aðrir sögðust sjálfir eiga við þennan „vanda“ að etja, að vefja allt of miklum pappír upp á höndina til að þurrka sér.

Ef þú klessir rúllunni saman, mun pappírinn ekki fljúga af rúllunni eins og vani og venja er. mbl.is/Rex/Facebook

Tengdar fréttir

Húsráð

Þess vegna ættir þú að borða papaja daglega

• Svona geymast eggjahvítur og eggjarauður best
• Matvæli sem róa magann
• Hversu oft eigum við að skipta um tusku?
• Svona brennir þú hitaeiningum við heimilisþrifin

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt