Ef þig hefur einhvern tímann dreymt um að komast í návígi við ótrúlega fallega litríkt eldhús – þá er það þetta hérna.
Hún heitir Swantje Hinrichsen og starfar sem listrænn stjórnandi, grafískur hönnuður og litaspekúlent. Hún skapar litríkt umhverfi hvert sem hún kemur og þar á meðal á sínu eigin heimili. Hún flutti nýlega í 145 fermetra leiguíbúð í borginni Münster í Þýskalandi – þar sem öll herbergin hafa verið skreytt út frá ákveðnum þemum og sum herbergin til dæmis fengið nöfn. Hér má sjá mikið af skandinavískri hönnun frá Montana, HAY og Muuto svo eitthvað sé nefnt.
Eldhúsið hjá Swantje er hreint út sagt stórkostlegt. Hér leikur hún sér með alla litaflóruna sem tónar svona vel saman. Þeir sem vilja sjá meira af heimilinu hennar Swantje geta skoðað instagramsíðuna hennar HÉR – en hún er með 120 þúsund fylgjendur.