Nú er Hinsegin dagarnir í hámæli og allt að gerast og þá er lag að blanda litríkan kokteil og trylla lýðinn. Ivan Svanur Corsvace, barþjónn með meiru og eigandi Vínskólans á Spritz, er með enn og aftur með puttann á púlsinum þegar kemur að galdra fram kokteil sem hæfir tilefninu. Ivan Svanur er hæfileikaríkur og listrænn á sínu sviði sinni og hefur gott skynbragð á hvað kokteilar falla í kramið hverju sinni. Hann mælir með þessum dásamlega litríka og skemmtilega kokteil sem ber enska heitið Pride & Joy.
Gaman er að bera fram svona litríka og fallegan kokteil skreyttan með regnboganammi.
mbl.is/Kristinn Magnússon
Pride & Joy
- 35 ml Himbrimi Winterbird (eða annað gin)
- 25 ml isoni Rosolio
- 25 ml ferskur sítrónusafi
- 10 ml sykursíróp
- 10 ml Aquafaba
Aðferð:
- Hrist saman með helling af klaka.
- Hellt í fallegt glas sem klæðir kokteilinn vel.
Butterfly pea te á toppinn
- Butterfly pea te
- 100 ml vatn
- 1 tsk. sítrónu safi
- Vidal Regnboganammi á toppinn.
Aðferð:
- Blandið butterfly pea tei og 100 ml af vatni saman, setjið svo teskeið af sítrónusafa út í og hrærið þar til vatnið verður fjólublátt.
- Hellið því svo varlega útí drykkinn.
- Setjið síðan Vidal Regnboganaammi á toppinn.
- Njótið vel.
Ivan Svanur Corvasce er annálaður fyrir störf sín sem barþjónn og Vínskólann á Spritz þar sem leyndardóma kokteilanna er meðal annars að finna.
mbl.is/Kristinn Magnússon