Að borða hráan frosk í morgunmat

Gamalt máltæki segir að ef það fyrsta sem þú gerir ...
Gamalt máltæki segir að ef það fyrsta sem þú gerir á hverjum morgni sé að borða lifandi frosk, getirðu farið út í daginn með ánægjuna af að vita að það versta sem þú lendir í þann daginn sé yfirstaðið. Ljósmynd/Thinkstockphotos.

„Gamalt máltæki segir að ef það fyrsta sem þú gerir á hverjum morgni sé að borða lifandi frosk, getirðu farið út í daginn með ánægjuna af að vita að það versta sem þú lendir í þann daginn sé yfirstaðið,“ segir Berglind Baldursdóttir sem segist vera Cargolux-barn. 

„Ég lít á mig sem Árbæing þó að ég hafi byrjað ævina á Sólvangi í Hafnarfirði. Áður en ég komst í Árbæinn bjó ég líka í Lúxemborg, en þannig er ég Cargolux-barn. Þar lærði ég að tala með 4 tungumál í kringum mig og ég er handviss um að það var kveikjan að mínum áhuga á tungumálum, sem ég átti síðar eftir að mennta mig í.“

Hver er forsaga þess að þú stofnaðir bókaútgáfuna Bergmál?

„Fyrir nokkrum árum langaði mig að komast að sem þýðandi og reyndi fyrir mér hjá nokkrum útgáfum. Þá var ég búin að finna nokkrar bækur sem mér fannst vanta á íslenskan markað. Ég hafði reynslu af þýðingum og líka bókaútgáfu eftir að hafa unnið hjá Latabæ. En ég komst þó fljótt að því að þetta var ansi þröngur markaður og fékk þá flugu í höfuðið að ég ætti kannski bara að gera þetta sjálf. En svo buðust verkefni á öðrum vettvangi sem ég vann við í nokkur ár eða þar til ég í stuttu máli brann út. Í kjölfarið ákvað ég að einfalda lífið og fór að hugsa um hvað mig langaði að verða þegar ég yrði stór. Bækurnar fóru aftur að toga í mig og fyrir tæpu ári fór ég svo aftur að skoða þennan gamla draum. Það var sama sagan, erfitt að komast að hjá útgáfum, svo ég ákvað bara að slá til og gera þetta sjálf. 9 mánuðum eftir að sú ákvörðun var tekin „fæddist“ fyrsta bókin hjá Bergmáli. Sú heitir Borðaðu froskinn! 21 frábær leið til að hætta að fresta og afkasta meiru á styttri tíma.“

Hvað getur þú sagt mér um Borðaðu froskinn?

„Borðaðu froskinn fjallar í aðalatriðum um það hvernig á að auka framleiðni, sigrast á frestunaráráttu og ná góðum tökum á tímastjórnun. Þessi bók sést oft á topp-10 listum yfir bækur sem mælt er með fyrir stjórnendur og fólk sem vill ná betri árangri í lífinu. Það er líka komið inn á jákvæða hugsun og að takast á við mótlæti. Bókin kennir manni á einfaldan hátt að finna út hvaða verkefni eru manni mikilvægust á hverri stundu og hvað má bíða. Borðaðu froskinn er fyrir alla sem vilja læra að skipuleggja sig betur, afkasta meiru og verða betri starfsmenn eða stjórnendur. 

Gamalt máltæki segir að ef það fyrsta sem þú gerir á hverjum morgni sé að borða lifandi frosk, getirðu farið út í daginn með ánægjuna af að vita að það versta sem þú lendir í þann daginn sé yfirstaðið. Hjá Brian Tracy er það að borða frosk myndlíking fyrir að tækla það verkefni sem er þín mesta áskorun – en líka það sem getur haft hvað jákvæðust áhrif á líf þitt.“ 

Borðaðu froskinn fjallar í aðalatriðum um það hvernig á að ...
Borðaðu froskinn fjallar í aðalatriðum um það hvernig á að auka framleiðni, sigrast á frestunaráráttu og ná góðum tökum á tímastjórnun. Ljósmynd/Einkaeign.

Þekkir þú frestunaráráttu af eigin raun?

„Já, og ég held að allir hljóti að hafa upplifað það að fresta einhverju en bara mismikið. Það tekur á að standa frammi fyrir erfiðum ákvörðunum eða verkefni og þá er oft freistandi að gera eitthvað auðveldara og fljótlegra fyrst. Það er hins vegar svo langt síðan ég las Borðaðu froskinn fyrst, 14 ár, að flest það sem er kennt í bókinni er fyrir löngu orðið ómeðvitað hjá mér. Ég fattaði það ekki fyrr en ég fór að þýða bókina nú í vetur. Til dæmis það að ráðast á erfiðustu verkefnin fyrst því þá verða öll hin mikið auðveldari, og að líta á erfiðleika sem leið til þess að ýta manni í rétta átt, en þetta er eitthvað sem varð að vana hjá mér fljótlega eftir að ég las bókina fyrst og hjálpaði mér mikið þegar ég brann út.“

Hvað hefur lífið kennt þér?

„Lífið er til að læra af því en það má ekki vera of auðvelt því maður þroskast ekki nema það taki stundum á. Samkennd og víðsýni koma ekki af sjálfu sér en ég held að það sé eitt það helsta sem við eigum að læra. Það er mikilvægt að læra að fylgja innsæinu, þora að taka áhættu og prófa eitthvað nýtt. Ef það hræðir mann er maður á réttri leið. Og maður þarf líka að vita hvenær eitthvað þarf að taka enda. Svo ég vitni í Brian Tracy: Stökktu – og netið mun birtast!“

Er hægt að breyta lífi sínu með bókum?

„Algjörlega. Það vill þannig til að Brian Tracy er höfundur fyrstu bókarinnar sem ég man eftir að hafi breytt lífi mínu en það er bókin Hámarks árangur sem kom út fyrir 20 árum. Ég hef ekki tölu á þeim bókum sem hafa mótað mig síðan þá. Maður les oft bækur sem hafa áhrif á mann og eru eftirminnilegar en sumar ná að breyta manni á einhvern hátt. Það eru ekki nema 3 vikur síðan bók breytti mér síðast og ég fæ gæsahúð þegar ég hugsa um hana. Titillinn er leyndarmál enn þá en hún kemur út á íslensku eftir nokkra mánuði.“

Eitthvað að lokum?

„Farið nú að borða froska og verði ykkur að góðu!“

mbl.is

Jóna saumaði jólakjólinn sjálf

10:00 Jóna Kristín Birgisdóttir saumaði hátíðlegan ullarkjól í Hússtjórnarskólanum. Hún segir ekki nauðsynlegt að eiga allt það nýjasta og dýrasta eins og stundum lítur út á samfélagsmiðlum. Meira »

Hvað segir jólamyndin um þig?

05:45 Að „feika“ það þangað til maður „meikar“ það er gamalt orðatiltæki sem á svo sannarlega ekki við í ljósi nýlegrar umfjöllunar Vintage everyday. 43 ljósmyndir frá því á sjötta áratug síðustu aldar gefa vísbendingu um að glöggir mannþekkjarar og komandi kynslóðir munu geta lesið í allt sem við erum með í gangi um þessar mundir. Meira »

Þarf að grátbiðja konuna um kynlíf

Í gær, 21:00 „Eiginkona mín sýnir enga ástúð, ég er enn með mikla kynhvöt og þarf að grátbiðja hana um kynlíf. Við stundum bara kynlíf nokkrum sinnum á ári.“ Meira »

5 ástæður þess að hunsa vigtina yfir jólin

Í gær, 18:00 Það er freistandi að stíga reglulega á vigtina yfir jólin. Það nýtur þó enginn jólanna til botns ef hann ætlar að refsa sér fyrir að borða aðeins of mikið konfekt. Meira »

Er makinn að halda fram hjá fjárhagslega?

Í gær, 14:00 Fólk heldur ekki bara fram hjá með því að hoppa upp í rúm með einhverjum öðrum en maka sínum. Margir eiga það til að halda fram hjá fjárhagslega. Meira »

Misstu 105 kíló á ketó

í gær Það er auðveldara að grennast ef makinn er með manni í liði. Hjón sem byrjuðu á ketó-mataræðinu fyrir ári hafa misst yfir 100 kíló samanlagt. Meira »

Litur ársins 2019 afhjúpaður

í gær Ertu ekki til í að mála stofuna bleikrauða? Litur ársins 2019 er bæði skemmtilegur og hlýr og ákveðið svar við þeim tækniheimi sem við lifum í. Meira »

Gáfnafar skiptir öllu í samböndum

í fyrradag Ef um styttri sambönd eru að ræða kjósa karlmenn heimskari karlmenn ef þær eru fallegar. Til lengri tíma litið vilja bæði konur og karla jafngáfaða maka eða gáfaðri, þó ekki mun gáfaðri. Meira »

Ógnarstór limurinn til vandræða

í fyrradag „Ég er með ótrúlega stórt typpi,“ skrifar maður með óvenjulega stórt typpi og segir það ekkert til að gorta sig af.   Meira »

10 atriði sem gera það auðveldara að vakna

í fyrradag Hættu að ýta á blunda eða skríða aftur upp í rúm eftir fyrstu klósettferð dagsins. Ef fólk vill virkilega vakna þá tapar það ekki á að fara eftir nokkrum skotheldum ráðum. Meira »

Glóðu eins og demantur um jólin

í fyrradag Náttúruleg, bronsuð förðun með áherslu á fallega og ljómandi húð sem hentar fullkomlega fyrir öll jólaboð í ár. Natalie Kristín Hamzehpour förðunarmeistari gefur góð ráð. Meira »

Google getur ekki lagað hjónabandið

15.12. „Google á ekki maka eða barn svo ekki er hægt að ganga að traustum upplýsingum þar. Það er mjög gefandi að deila með körlum hvað rannsóknir sýna skýrt hve miklu máli þeir skipta fyrir parsambandið og fyrir barnauppeldi. Það sem karlar vilja vita eru vísindalega sönnuð leyndarmál um samskipti kynjanna sérstaklega sett fram fyrir karlmenn,“ segir Ólafur Grétar. Meira »

Frábærar gjafir fyrir níska Jóakima

15.12. Það þekkja allir einn Jóakim, einstakling sem elskar að spara, safna peningum og jafnframt erfitt að gera til geðs. Vanda þarf því gjafavalið sérstaklega. Meira »

Fjölmenntu á Jacobsen Loftið

14.12. Nýrri skartgripalínu Orrifinn var fagnað á Jacobsen Loftinu í gær. Fólkið á bak við Orrifinn eru þau Helga Guðrún Friðriksdóttir og Orri Finnbogason. Halla Þórðardóttir mætti í boðið og framdi gjörning við tónverk eftir Daníel Ágúst Haraldsson. Meira »

Tapaði ég peningunum á Karolina Fund?

14.12. „Vorið 2017 „keypti ég“ tvær bækur á hópfjármögnun á Karolina Fund eða rúmlega 14.000 krónur og var lofað plakati með, penna og boð í útgáfuhóf. Bókin átti að koma út um haustið en hefur ekki ennþá komið út. Hvernig virkar svona, er hægt að fá endurgreitt eða eru þetta bara tapaðir peningar?“ Meira »

Melania litaði hárið ljóst fyrir jólin

14.12. Netverjar spurðu sig hvort forsetafrúin væri að safna í hárkollu fyrir eiginmann sinn en Donald Trump er þekktur fyrir óvenjuþykkan og -ljósan makka miðað við aldur. Meira »

Lærði að elska upp á nýtt á Tenerife

14.12. „Þetta ár er búið að vera lagskipt. Hófst með skilnaði, sagði upp á Rás 2, flutti til Tenerife þar sem margt gott hefur gerst. Einnig hafa komið hér erfiðir tímar og þá helst er ég var fluttur nær dauða en lífi á sjúkrahús. Ég fékk blæðandi magasár,“ segir Guðni Már. Meira »

Húsið sem Ármann færði yfir á konuna

14.12. Ármann Þorvaldsson skráði einbýlishús þeirra hjónanna, Dyngjuveg 2, á eiginkonu sína, Þórdísi Edwald árið 2011 eða 18. apríl það ár. Meira »

Var 100 kíló en keppir nú í fitness

14.12. Lilja Ingvadóttir var um 100 kg fyrir áratug þegar hún ákvað að taka sig taki. Í dag er hún á fullu að undirbúa fitnessmótið Iceland Open sem fram fer á laugardaginn. Meira »

Þurfti rútu fyrir kjólinn

13.12. Jennifer Lopez mætti í bleiku skrímsli á rauða dregilinn. Slóði kjólsins var svo stór að stjarnan gat ekki mætt á frumsýningu í hefðbundinni lúxusbifreið. Meira »

Bullandi stemming í ICE HOT-veislu

13.12. Listafólk kom saman og skemmti sér þegar opnunarhátíð norræna danstvíæringsins ICE HOT Nordic Dance Platform fór fram í Borgarleikhúsinu á miðvikudagskvöldið Meira »
Meira píla