Innan raða VSÓ ráðgjöf er að finna klárasta fólkið á Íslandi ef marka má úrslit Spurningakeppni fyrirtækjanna 2022. Að keppninni standa þeir Helgi Jean Claessen og Hjálmar Örn Jóhannsson, út hlaðvarpinu Hæ Hæ. 

Alls voru 16 fyrirtæki skráð til leiks og haldin var innanhússkeppni í hverju fyrirtæki þar sem hlutskarpasta liðið var valið til að taka þátt í glæsilegu úrslitakvöldi sem haldið var í Keiluhöllinni mánudagskvöldið 14. nóvember.

Stemningin á úrslitakvöldinu var rafmögnuð þar sem skörpustu liðin kepptu sín á milli í Pub Quiz fyrirkomulagi. Eftir harða keppni fór keppnin þannig að Brimborg lenti í þriðja sæti, Össur í öðru sæti og sigurvegari kvöldsins VSÓ Ráðgjöf sem hlaut að launum glæsilegan eignarbikar, inneign hjá Icelandair og að sjálfsögðu nafnbótina Meistarar Spurningakeppni Fyrirtækjanna 2022.

Fyrirtækin sem tóku þátt að þessu sinni voru: Össur, Sahara, Arion Banki, Þekking, VSÓ Ráðgjöf, Orkusalan, Brimborg, Garri, Icepharma, Límtré Vírnet, Controlant, Steypustöðin, Innnes og Advania.

Undankeppni fyrir Spurningakeppni Fyrirtækjanna 2023 er hafin hjá Hæ hæ og verður spennandi að sjá hvort VSÓ Ráðgjöf nái að verja titilinn

Hjálmar Örn Jóhannsson og Helgi Jean Claessen eru höfundar Spurningakeppni fyrirtækjanna.

Tengdar fréttir

Hverjir voru hvar

Björk fagnaði 50 ára afmæli með garðveislu

• Smekklegustu konur landsins frískuðu upp á húðina
• Margrét og Guðrún í afreksíþróttateiti
• Fögnuðu 20 ára afmæli og enduropnun eftir eldsvoða
• Jón Jónsson og Friðrik Dór mættu með eiginkonurnar í bröns

» Fleiri tengdar fréttir

• Blogga um frétt