Lykillinn að hamingju Jennifer Lopez

Jennifer Lopez er sjálfstraustið uppmálað og stolt af sjálfri sér og líkama sínum þrátt fyrir að byrjun ferils hennar hafi hún verið hvött til þess að grenna sig. Það er eitt sem Lopez gerir á morgnana sem heldur henni í fanta formi og gerir hana auk þess hamingjusama. 

„Mér finnst gott að æfa á morgnana. Það lætur mig slaka á, gerir mig tilbúna fyrir dagin og heldur mér sterkri. Ég er sannfærð um að æfingarnar eru hluti af því sem gerir mig svo hamingjusama. Ég trúi því virkilega að þegar þú hugsar vel um þig og vinnur að því að vera heilbrgiður, ertu betur í stakk búin til þess að hugsa um þá sem þú elskar,“ sagði Lopez í viðtali við In Style á dögunum. 

Þegar Lopez kom fram á sjónarsviðið voru vinsælustu fyrirsæturnar í stærð núll og þrátt fyrir að söngkonan sé grönn er hún með línur. Hún reyndi þó aldrei að fela línurnar þó svo að hún hafi verið hvött til þess að grennast. „Svona er ég. Ég er vaxin svona,“ sagði Lopez að lokum og segir að allir í kringum hana hafi litið út eins og hún þegar hún var vaxa úr grasi. „Ég sá ekkert rangt við það. Ég geri það ekki enn,“ sagði Lopez stolt. 

Jennifer Lopez er ánægð með línurnar. AFP

• Blogga um frétt