Margir hafa reimað á sig hlaupaskóna að undanförnu og nýta betri færð til þess að hlaupa úti. Það má þó spyrja sig hvort sé betra að hlaupa inni á hlaupabretti í líkamsræktarstöð eða úti í fersku lofti. Á vef MindBodyGreen er farið yfir kosti og galla en sérfræðingar vilja ekki meina að innihlaup komi í veg fyrir útihlaup.
Hlaup á hlaupabrettum eru þó ekki talin alslæm og getur verið góður kostur að hlaupa inni þegar veður er slæmt. Einnig þykir mjög gott að æfa og fylgjast með ákveðnum hraða á hlaupabretti. Í líkamsræktarsal geta vinir með misgott þol hlaupið saman auk þess sem hlaupabretti eru betri fyrir líkamann en malbik.
Ágæti útihlaupa er þó engu síðra. Er til að mynda talið skemmtilegra að hlaupa úti. Fólk getur hlaupið nýjar og nýjar leiðir en á hlaupabrettinu er fólk alltaf í sama líkamsræktarsalnum. Ferskt loft og að eyða tíma úti í náttúrunni toppar líklega alltaf loftið í líkamsræktarsalnum. Líkaminn þarf að takast á við nýjar aðstæður þegar hann hleypur úti sem sagt er geta eflt andlegu hliðina.
Þegar mat sérfræðinganna á inni- og útihlaupum var tekið saman kom í ljós að hlaup á hlaupabrettum kemur ekki í stað þess að hlaupa úti í náttúrunni. Hins vegar mæla þeir allir með því að blanda þessu saman.