Boris Johnson, forsætisráðherra Bretlands, greindi frá því á blaðamannafundi í dag að hann hafi verið í ofþyngd þegar hann var lagður inn á spítala í vor. Johnson greindist með kórónuveiruna og veiktist talsvert. Á blaðamannafundinum sagði hann að hann hafi lést mikið og liði mun betur.
Johnson eyddi þremur nóttum á gjörgæslunni í apríl síðastliðinn og hefur reglulega verið spurður út í heilsuna síðan.
„Ég er í mun betra formi en ég var, ég veit að það gæti pirrað ykkur að vita það,“ sagði Johnson á blaðamannafundi í dag þegar hann var spurður út í heilsuna.
„Ég er í betra formi en hundur slátrara og það er aðallega vegna þess að ég léttist. Þegar þú ert um 111 kíló, eins og ég var, og um 178 sentimetrar á hæð, þá er það kannski góð hugmynd að léttast. Og það er það sem ég gerði. Og mér líður miklu betur.
Samkvæmt upplýsingunum sem Johnson gaf upp var hann með BMI-stuðulinn 34,9 og flokkast þá í ofþyngd.
Þetta er ekki í fyrsta skipti sem Johnson hefur montað sig af góðri heilsu sinni. Í viðtali í sumar sagðist hann einmitt vera í betra formi en hundur slátrara og talaði um að gera armbeygjur til að koma sér í betra form.
Forsætisráðherrann hefur sést á hlaupum um borgina með einkaþjálfara, meðal annars í almenningsgarði nálægt skrifstofu hans við Downing stræti 10.