Leikkonan Jennie Garth greindist með slitgigt 45 ára að aldri. Greiningin kom henni mjög á óvart þar sem henni fannst hún of ung til þess að greinast með gigt.

„Ég er vön að vera alltaf á þönum og sjá um allt allan tímann. Ég á þrjár ungar stúlkur og hef alltaf átt hunda. Ég hef því alltaf verið mikið á ferðinni, á hnjánum og fara inn og út úr bílnum hundrað sinnum á dag. Allt í einu urðu þessar hreyfingar sársaukameiri,“ segir Garth í viðtali við People.

Eitthvað eins og það átti ekki að vera

„Smám saman varð mér ljóst að eitthvað var ekki eins og það átti að vera. Þess vegna fór ég til læknis.“

Slitgigt er algeng tegund gigtar sem á sér stað þegar liðbrjóskið á liðmótum eyðist og sársaukafullt verður að hreyfa sig. Ekki er hægt að lækna sjúkdóminn en draga má úr einkennum hans með hreyfingu, að halda sér í kjörþyngd og viðeigandi læknismeðferðum.

Greiningin kom á óvart

„Þessi greining kom mér mjög á óvart. Ég fór bara til læknis kvartandi undan verkjum í hnjám og mjöðmum og hinum og þessum stöðum í líkamanum og allt í einu var ég komin með gigt. Að heyra lækninn segja orðið „gigt“ var mjög mikið áfall fyrir mig. Ég hafði alltaf tengt gigt við gamalt fólk. Mér fannst ég engan veginn nógu gömul til þess að geta verið með gigt. En jú, maður getur fengið gigt á hvaða aldri sem er og ég bara vissi það ekki,“ segir Garth sem er 50 ára.

Gigt í ættinni

Garth segir að ef til vill hafi það haft neikvæð áhrif á liðina hversu mjög hún hreyfði sig en bendir þó á að gigt sé líka í ættinni hennar.

„Ég fór að tala við mömmu mína og aðra meðlimi fjölkskyldunnar og komst að því að allir voru með einhvers konar gigt. Margir eru með gigt en tala ekki um það. Þannig að mér fannst kominn tími á að opna umræðuna í kringum þetta og vera hreinskilinn og opinskár. Tölum um þetta og vinnum saman að því að fræða fólk um hvernig má lifa með gigtinni og minnka sársaukann.“

Borðar fæðu sem minnkar bólguviðbrögð líkamans

Garth segist nota mikið Voltaren Atrhritis Pain Gel sem hægt er að fá án lyfseðils. Þá leggur hún mikla áherslu á hóflega hreyfingu. Hún er stöðugt á ferðinni auk þess sem hún breytti matarræðinu og borðar fæðu sem minnka bólgur í líkamanum eins og til dæmis ber og heilkorn.

Stöllurnar Donna og Kelly í Beverly Hills eða Jennie Garth og Tori Spelling.

Tengdar fréttir

Heilsurækt

Þetta vilja töffarar landsins fá í sumargjöf

• Tók á því í leðurbuxum
• „Tárin hættu bara ekki að streyma“
• Margir draga úr félagslegri virkni vegna grindarbotnseinkenna
• „Mér finnst ég aðeins tengdari guði og jörðinni“

» Fleiri tengdar fréttir

Heilsa og mataræði

Þetta gerist þegar maður hættir að stunda kynlíf

• Gott að borða á 24 tíma fresti
• Öðlaðist heilsu með breyttum lífsstíl
• 9 leiðir til þess að vakna hress
• Bestu og verstu kúrarnir fyrir heilsuna

» Fleiri tengdar fréttir

• Blogga um frétt